竟在傢俱店參加聖誕Party？

話咁快又過左幾日聖誕假，聖誕節大家都過得開心嗎？

成為blogger後嘅第二個聖誕節，先第一次參加blogger Xmas Party。多得Home Essentials同阿技合辦左個Xmas Party，今年好開心可以同一眾blog友熱熱鬧鬧預祝聖誕~ 難得聚首一堂，位於中環雲咸街嘅Home Essentials借出場地俾大家狂歡一晚

Home Essentials係間非一般嘅傢俱店，除左可以直接購買心儀傢俱仲可以租用，岩晒經常心思思想幫屋企轉形象嘅品味人士，所花不多就可以換新傢俱。

場內除左有大件傢俱仲有細細件嘅小擺設售賣

大會安排好多小食俾大家醫肚，岩岩收工趕過黎嘅各位都係時候開餐囉~

由Home Essentials嘅Gigi介紹作開始

先係阿技大展身手，示範為杏仁為化個Party妝

話咁快已經令杏仁電力十足，鎖骨下方仲貼上閃閃紋身，感覺好sexy喔~

Home Essesntials老闆都要親自歡迎大家，原來佢唔止好客仲好幽默，氹到大家都大笑起黎~

之後開始玩遊戲囉！第一個遊戲已經係刺激嘅收賣佬，大家都忙住脫．．．帽、鞋、飾物啫~ 唔好諗多左 XD

接住係開口中，冇王祖藍式語音同爆波都超緊張！最後玩估歌仔分出全晚大贏家，睇下大家幾專注~ 歌名開估左都係唔識，全部係八十後唔會聽嘅歌

KL又再眾望所歸成為winner，運哩家野真係唔到您唔信~

一輪遊戲同抽獎大送禮物之後有個小型特賣會，安排左大量小家品擺設俾大家以優惠價選購，十幾廿蚊已經有交易~

開心嘅時間過得特別快，臨走前Home Essentials仲送大家香味蠟燭作聖誕禮物~

想揾與別不同嘅品味傢俱擺設，推介大家到Home Essentials走一趟，或者會揾到心頭好呢~

Home Essentials Hong Kong Ltd.
Address: 2/F or G/F, Winning Centre, 46 Wyndham Street, Central, Hong Kong.
Tel no.: 2870 1400/ 2810 4200

Categories: ● 中環, ● 傢俱, ● 擺設, ● Home Essentials, ● Xmas, 品味時尚, 活動分享