敗家手記。。。日本直送dazzlin 2012福袋內容揭祕

無耐之前兔比先響面書透露訂左 dazzlin 褔袋，估唔到兩星期後嘅今日已經到手！興奮至極不得不連夜趕出開盒文同大家第一時間分享！(((o(*ﾟ▽ﾟ*)o)))

上年透過人氣blogger點點團購左 DELYLE（前文回顧：敗家手記。。。日本直送DELYLE 2011福袋內容揭祕），覺得內容真係物超所值，決定今年再接再厲要敗福袋！本來都諗住搵人代購，後來今年知道 Monalisa Marquee 有得預訂福袋，於是去分店一問，原來佢地只會訂購 dazzlin 福袋，而且內容仲已知款式，只係其中三件item可能係唔同顏色， 一睇之下已經好喜歡！加上 dazzline 係兔比較喜歡嘅STYLE，就馬上落Order~ 訂購價$1,360有五個item包括大褸、冷衫、恤衫、裙褲同連身裙，總價值至少5萬円。

不足兩星期已經正式有貨到港，同日本同步推出，回家急不及待逐一拆開試試！個外袋可以放得入五個item，當然係超大容量~

估唔到裡面都有個內袋，方便放D細件野

大愛哩件BB領波點one-piece，太可愛啦！卡其色波點襯絕早前響tomato market入手嘅毛毛髮飾

棗紅裙褲仔係高腰，就算兔比瘦著上去都有點窄，而且好短身，必需要打底著！

雪紡恤衫加上蝴蝶結領口係亮點，帶點古典感覺，非常match條裙褲仔！

冷衫有白有粉紅，手上係粉紅色，而顏色係少有地令兔比喜愛，比白色更亮眼~

當然唔少得大褸，保暖作用明顯不大，著上去有點硬朗

領位毛毛可自由拆下

據知仲有Monalisa Marquee少量現貨，有買趁手啦~

Categories: ● 日牌, ● 穿搭, ● 時裝, ● 敗家, ● 褔袋, ● dazzlin, ● Monalisa Marquee, 敗家手記