魅眼攻略。。。無技巧360˚ 捲出纖長美睫

逛開SaSa嘅朋友對Sasatinnie相信都唔會陌生，但老老實實兔比一向對Sasatinnie印象一般，從未曾用過買過，不過情人節前嘅周末兔比有幸參與Sasatinnie 情人節魅眼纖長彩妝派對，終於初次邂逅Sasatinnie，一試之下其大眾化價格產品令兔比幾有驚喜~

大眼妝當然唔少得美睫哩個重要元素，睫毛膏絕對必需！Sasatinnie嶄新360˚ 魅眼纖長濃密旋轉電動睫毛膏（360˚ Electrifying Extreme Lengthening & Volumizing Mascara），將睫毛膏與電動睫毛刷頭兩大功能集於一身，瞬間締造豐盈捲翹大眼妝容

有左佢只需要按開關掣然後由睫毛根部往末端刷上，無需zig zag手法無需技巧，唔會容易出錯弄花妝容，化妝新手都無難度。

刷頭為雙向旋轉設計，順時針方向刷拭上睫毛，逆時針方向塗抹下睫毛，輕易將每一根睫毛由根部到尖端全方位均勻覆蓋。

Sasatinnie仲有全新I Love Sasatinnie春日溏沁彩妝系列，包括醉迷8色彩妝盒、自然幻彩漸變胭脂盒及3色溏沁唇彩組合

醉迷8色彩妝盒Fall in Love Makeup Palette 有3種色系，一盒有齊眼影、胭脂、光影粉同唇彩，方便隨心情、日夜，為臉頰、雙眸同櫻唇轉換妝容，包包空間大大節省，咁包羅萬有價錢不過係$198，好抵買~

活動上品牌邀請咗星級化妝師Meegan Seak，示範打造令人一見傾心嘅迷人愛神彩妝同大家分享締造纖長捲曲美睫Tips

Meegan今次為model選用02 Precious Gold Collection珍稀金調彩妝盒

先響成個眼窩搽上淺金色，啡色由眼窩尾往前掃唔好拉後，增加層次感同更易平衝兩邊，最深色搽響雙眼皮位有增大眼睛效果，而米白色打亮眼頭有點睛效果，令雙眼更水汪汪

留意眼影之間邊緣一定要blend soft，Meegan會用掃由外到內手法重覆blend至漸變

以娃娃完美造型眼線凝膠劃上眼線，唔一定要一筆過，Meegan建議手法唔純熟嘅朋友可以由中間畫到眼尾再由中間畫到眼頭，技巧係鏡要打斜放，畫嘅時候45˚角往下望，另外響眼線上補一層眼影粉可以令眼線更持久

搽360˚ 魅眼纖長濃密旋轉電動睫毛膏嘅時候要輕輕由根部向外梳，切記唔好停留太耐，否則睫毛會被卡住出現結粒情況

胭脂選用彩妝盒中三色胭脂，先取中間色搽響蘋果位

然後由顴骨沿邊緣打斜往下輕輕搽上最深色，最後以最淺色打光影同營造白裡透紅效果

用深一度粉餅打陰影，瘦面可以嘟咀然後加深面部凹位，同埋由眉頭往鼻旁加深有加高鼻樑效果。

唇方面搽上三色溏心唇彩組合當中蜜桃色，當中荷荷巴油成份提供持久滋潤

睇完Meegan示範又係自己動手時間，大會已經一早為大家貼心準備好示範中所用產品同掃具

當然唔少得主角360˚ 魅眼纖長濃密旋轉電動睫毛膏，老實說包裝感覺唔太討好，時尚感不足

雖然其貌不揚但效果出色，分明纖長美睫效果非常明顯，全無結塊同甲由腳望落好自然，防水防汗配方唔易化開

平日好少搽下睫毛，因為兔比論論盡盡怕會弄花底妝，不過用左佢好輕易就搞定，雙向旋轉無論上下睫毛都搽得相當得心應手~ 不過由於開關掣太就手，如果就咁放入包包好容易會開左都唔察覺，設計如果可以改成扭開蓋先開動到會更好

最後Meegan仲揀選左大家當中化得最甜美嘅一位得到Sasainnie產品同Meegan親筆簽名新書

活動尾聲大家除左可以將試用之360˚ 魅眼纖長濃密旋轉電動睫毛膏據為己有之外，仲收到Sasatinnie冰河泥海洋冰肌面膜、Mini Nail Polish同無糖乳酪味糖

估唔到Sasatinnie連糖都有出，哩款無糖乳酪味糖以無糖配方製成，食多左都唔怕肥，仲添加維他命C, B, E, 葉酸等，一邊吃零食一邊補充營養素，介紹仲話有美肌之效，係真唔係暫時不得而知，但味道又真係幾好，乳酸味愛好者應該會食上癮~  

情人節前夕兔比特意搽上Sasatinnie粉紅色應應節（前文回顧：情人節大雜薈。。。粉紅甜心系妝容），色靚快乾仲要有推廣優惠$15兩支mini nail polish，買多幾隻色都唔肉赤啦~

Categories: ● 化彩, ● 彩妝, ● 睫毛膏, ● 電動睫毛膏, ● Meegan, ● sasa, ● sasatinnie, 妝物妝文, 活動分享