覓食小記。。。天后小店有Heart滋味 (๑╹ڡ╹) ～ ♡

響食店如雲嘅天后返工，大家可能會覺得兔比好有口福，不過兔比人太懶絕少發掘咩美食，不過有兩間小店係初到貴境就已經列入揾食名單之中！

15+J Roaster

位於天后英皇道25號景星中心地下嘅小小cafe招牌菜係烤雞，另外仲有燒豬肋骨、意粉、pizza、三 文治、蛋糕同咖啡，選擇不多，但勝在地方企理乾淨，而且坐得唔逼，有埋wifi大可嘆住咖啡消磨一個下晝。

烤雞有咩咁好食呢？由於係即叫即烤，外皮燒到脆卜卜，肉仲好juicy絕唔會乾爭爭，醃得相當入味，唔止外皮連入面都有濃濃香草味，正！(๑╹ڡ╹) 即製等候時間當然會耐D，約15-20分鐘，可揀雞全腿或半隻份量配埋日式胡麻醬、餐湯、薯角同沙律，半隻份量頗多，以往有1/4隻宜家只有雞全腿，一個人order雞全腿好了~

自家Salad dressing係raspberry汁，甜甜的蠻開胃配蔬菜別有一番清新滋味~

餐湯試過好幾款材料的確十足，但都係香料味道過重遮蓋左食材本身味道

意粉醬汁味道好濃郁，意粉質感唔會過淋，幾有水準~ 最近試左蕃茄海鮮意粉醬汁超yummy，而且非常足料~ （發現原來無影相呢 =v="）

DeliDeli Delicious Deli Delivery

位於天后永興街13A，主力做外送同take away，不過都有一兩個堂食位。第一眼係被鮮黃拼黑色型格裝潢吸引走近望望，打開傳單一睇價錢又幾相宜，$28起一個餐響高消費嘅銅鑼灣區仲可以有幾多選擇，即管一試~

$28 Pizza set有一個mini pizza加沙律或湯同汽水係兔比最常order，另有$34 pasta set但並唔建議試，因為意粉實在太差，試左一次已經覺得免了。

全店Pizza都換上獨家首創全麥批底，估唔到小店都蠻有創意，口感比起普通批底更富咬口更香~٩(๑❛ᴗ❛๑)۶ 材料夠多，最重要係烤到批底脆口但唔會過硬，又保持到上面材料唔乾巴巴，比起芝脆雞出品水準高好多！

以上都係mini pizza，不過size大過手掌唔算太mini，如果大食一族作afternoon tea都唔錯。當然佢地有正常size pizza，仲有到會大大盤派對小食~ 傳單可在 http://www.delideli.com.hk下載

Categories: ● 15+J Roaster, ● 天后, ● 烤雞, ● deli deli, ● pizza, 飲飲食食