發表文章
早前再收到perFACE邀請體驗全新美肌療程，不過今次唔係到perFACE，而係同集團旗下另一醫學美肌中心FACEmedi，咁究竟FACEmedi同perFACE兩者有咩分別呢？睇落去就有答案
有別於一般美容中心，FACEmedi開設響專科醫生雲集有「醫生樓」之稱嘅彌敦道26號，同位於iSQUARE嘅SkinCeuticals Advanced Medical Spa by perFACE只有一街之隔，但定位就各有不同
一到埗已睇出同perFACE有頗大分別，大堂冇無敵景觀同奢華佈置，只有兩張時尚感十足嘅櫈，不變嘅係坐低無耐已有職員奉上暖暖羅漢果茶
填好表格Marketing同事Connie先介紹一下集團同FACEmedi一點背景資料，亦令兔比真正明白FACEmedi同perFACE分別何在~
集團了解唔少客人負擔唔起高昂價錢醫學美肌療程，特別開設FACEmedi有別perFACE高檔路線，只有簡約裝潢，更加無大型宣傳推廣只靠客人口碑，以求將成本降低，令客人以最實惠價錢享用醫學療程，據悉價錢大概係外間8折左右。雖知道幫襯不少知名集團付出嘅錢，當中一部分已經落左代言人個袋，大家成日食嘅老麥就係最佳例子。個人非常欣賞FACEmedi所走嘅踏實路線，客人所付出嘅實實在在用響自己身上，寧可減省可有可無嘅花巧野，真材實料最緊要！
FACEmedi有富豐富經驗及知識專業醫學美容團隊，最先進醫學美容儀器同國際權威品牌美容針藥，真正專業透析了解及醫學方法解決肌膚問題。所提供之醫學美容服務包括治療、注養、淨肌及塑形四大類別，選擇多元化切合不同肌膚需要
進行療程之前治療師先為兔比做皮膚分析，所用分析機同perFACE都係同一機種，會分別拍攝出三張肌膚響不同燈光下相片，然後由電腦分析毛孔、皺紋、皮脂同色素情況，指出需重點關注之肌膚問題
進入療程房一眼所見儼如診所，只有療程床、儀器同產品櫃，並無任何多餘擺設，完全配合FACEmedi實而不華形象
今次體驗嘅GL磁波緊緻再生療程流程大致係：
天然果酸淨化更生（重組肌膚細胞、瞬間均勻膚色、改善色斑、喚醒暗啞肌膚）> 磁波細胞透析（透析肌膚狀況）> 先熱後冷電頻（深層保濕鎖水、刺激微循環、迅速緊緻嫩膚）
清潔及以Pre-Peel Cleanser抹過皮膚之後，治療師為兔比搽上果酸，去除肌膚囤積已久老化角質層，回復肌膚最淨化狀態，有重組肌膚細胞、瞬間均勻膚色、改善色斑、喚醒暗啞肌膚等效果
由於兔比第一次到FACEmedi接受療程，治療師只採用比較溫和嘅20% Glycolic Acid（甘醇酸），有輕微吉吉地屬正常，兔比早已係果酸愛用者所以絕對接受到（響家中自己用30% Glycolic Acid耶~），但對初次接觸果酸嘅朋友可能會覺得唔舒服，治療師會詢問客人感覺同就肌膚狀況去控制果酸停留時間，然後噴中和液同抹淨皮膚
淨化肌膚之後治療師會配合磁波細胞透析儀，俾客人透過細胞透析鏡即時了解療程效果，同解釋客人肌膚需要並提供專業意見，細胞透析鏡下肌膚紋理都無所循形（請無視濃密嘅面毛=.="）
接住以使用獨有磁波量子，先全面連眼掃上離子養份gel，先熱後冷電頻刺激及喚醒肌膚底層細胞，加速對精華吸收
全個過程會用三個不同機頭，一冷一熱加一個眼周專用，期間養份gel被肌膚吸收，治療師會不時補搽
另外治療師俾球狀機頭兔比握響掌心以作通電用，大家無需擔心除左輕微震動冇其他感覺~ 冷熱頭運作時會持續發出唔同顏色嘅光
眼部專用頭比冷熱頭細小
單係電頻治療師已經用左半個鐘分別以三個機頭碌均全面，絕不馬處~ 力度會比較大以加強微循環，碌到眼周兔比感覺有點痛，治療師表示眼部比較攰碌個時會痛都唔奇，反應循環唔好。
最後倒膜等肌膚好好吸收養份，本來哩個時間最岩好好休息，不過房間隔音比較弱，而且可能臨近收工時間，一路聽到外面職員閒聊同笑聲，雖然可以理解到放工嘅興奮心情但少不免對專業形象有損，希望
完成後即見面部緊緻提升效果，面色顯著明亮，眼仔都無咁疲累，望落富神采，效果維持兩三日都依然明顯
今次透視到兔比有某種肌膚問題，稍後會再到FACEmedi尋求根治之法，今次就先賣個關子，下次再同大家分享~꒰ू๑͒•౪•๑͒꒱
宜家FACEmedi有個特別優惠，只要click入http://www.facemedi.com.hk/promotion/?c=4登記就可以優惠價$188 試做GL磁波緊緻再生療程(原價$1,560/ 60分鐘)* ~ 仲想再優惠D？只要向朋友推廣哩個試做優惠，仲有機會免費體驗！馬上同朋友仔一齊去FACEmedi體驗療程同透視肌膚問題啦！
*只限首次登記客戶
佢有冇狂sell你join plan?
回覆刪除