品味法式甜美。。。殊不簡單的小圓餅

愛食法式甜品嘅朋友應該都知道咩係Macaron（馬卡龍）吧？

哩件平凡中帶甜美嘅小圓餅的確俘虜不少女生（包括兔比XD）自己曾經DIY兩次，發現原來所需材料並唔多，懶人更加可以敗一份份現成嘅DIY材料包，做法大致如下：

原味馬卡龍食譜（可加入可可粉、綠茶粉或果醬轉換成不同口味）

材料：
蛋白 200克
糖 50克
糖霜 450克
杏仁粉 200克

做法 :
1. 先將蛋白加入砂糖打起至七分備用（拿起時呈綾角狀）
2. 將糖霜、杏仁粉過篩混合
3. 將步驟(1) 之蛋白糊分兩次加入步驟 (2)混合物，以攪拌器拌至無粉粒麵糊
4. 將麵糊倒入唧袋，唧出約2cm直徑圓形
5. 放置於陰涼處30分鐘至表面乾透（觸摸時完全不黏手），放入預熱至170℃焗爐焗12分鐘
6. 出爐後將兩片合上，中間可加入不同餡料（如果醬、朱古力）

只係做法比較難掌握，兔比兩次DIY都失敗收場，製成品唔係乾到裂開就係瀉開晒，為免浪費食材兔比決定放棄，乾脆敗成品品嚐好了~

可能有人會覺得十幾蚊一小件Macaron未免太貴，但的確幾考餅師嘅手藝~ Macaron食過好幾家，賣相都唔錯但入口就知好與壞，兔比至愛都係Paul lafayet出品！Macaron外殼好似蛋殼咁鬆化，中心軟軟有點黏，而且口味多多總有岩心水~

好高興繼Paul Lafayet甜味之旅之後（前文回顧：與blog友們一同享受的甜品盛宴 @ K11），早前再有份出席Paul lafayet於皇室堡分店舉行嘅Tasting Party

大會仲容許帶朋友，於是帶同兔比佬同幾位愛甜點嘅同事一齊去品嚐，放工時間難得唔係太多人，點名拎過Entry Form填妥交回就可以進入鋪內揀喜愛口味

面對咁多款巧手甜品，只可以揀四款真係有選擇困難症，款款都好想試！好在可以同兔比佬拎唔同口味，咁就可以試多D口味囉（自覺聰明嘅傢伙(*ꆤ.̫ꆤ*)）

坦白講有點失望，電郵通知無寫明只可揀幾多件，之前都奇怪何解可以容納到咁多參加者，還好兔比跟同事們唔係特登搭車去，否則兔比真係對佢地唔住．．．꒰⁎×﹏×⁎꒱

果味Macaron普偏口味比較甜，反而Earl Grey伯爵茶味有清幽茶香恰到好處

Gateau Au Fromage 口質軟滑，而且芝士味濃郁

Craquelin Au Chocolat 有濃厚朱古力味，由於用上黑朱古力味道唔會過甜，上層滑溜底層脆脆，口感豐富

Paul lafayet已於全新Hysan Place開新店，Tasting Party上獲得一張贈劵可以到新店換領Macaron一件呢~ 兔比上星期就急不及待要換領，皆因Hysan Place分店推出Poppy, Banana Balsamic 同 Lychee Macaron 3款獨家口味！

兔比揀左Poppy同Lychee口味，包裝比平日透明袋精緻好多~

由包裝取出先發覺Lychee味個件碎左，嗚．．．不過兔比當然照食可也 XD

荔枝味一D都唔假，口味清新甜味適中

倖存嘅Poppy味表層有點Poppy Seed，其實口感無咩大分別（其實兔比對罌粟花本身係點嘅味無概念）只覺口味有點過甜，但賣相非常討人歡心呢~

下次去Hysan Place要敗埋Banana Balsamic 試試味~ ( •ॢ◡-ॢ)-♡

Categories: ● 法式甜品, ● 馬卡龍, ● Macaron, ● Paul lafayet, 飲飲食食