Vytal mei再施法！眉筆眉粉我要跟你們暫別了（期間限定75折優惠）

有追文嘅朋友都知兔比去Vytal mei做左持久眼線（前文回顧：打造一條真正不溶又卸不掉的持久眼線！（期間限定75折優惠）），唔覺唔覺過左兩個月，脫皮過後顏色深淺度已經穩定落黎，顏色唔會如剛完成咁深黑，個人蠻喜歡哩種不太實在嘅內眼線（反正要誇張嘅畫外眼線就可以），省卻左畫內眼線嘅時間又唔怕溶妝就達到目的 (๐ ́꒪̐ꈊ͒꒪̐)ꐳ （想了解多點持久化妝請回顧：神奇持久化妝Last到兩年？！（附期間限定優惠））

事隔兩個月再黎到Vytal mei為眼線做touch up補色同做持久眉型！動筆嘅仍然係經驗豐富嘅Karen，令兔比好放心(๑❛ᴗ❛๑)

程序同之前大致相同，為眼線補色前先搽上水份cream同麻醉膏

稍候麻醉膏起效就開始嚕！

由於友人話睇唔出兔比嘅眼線，所以今次除左加色仲要求加粗一點，可能因為唔係第一次做眼線，心情放鬆左感覺無咁難耐，當然麻痺感一定有

開始做另一邊眼線前，已爭取時間響眉上搽定麻醉

可能因為前一個星期先修過眉，Karen同另一位美妝師Kit都認為兔比眉無咩問題要修正，不過個人就唔多滿意部分位置有空隙，希望可以填返密，但又接受唔到硬生生嘅眉妝．．．經過一輪討論同試畫，Karen建議兔比唔響全條眉上色，而改為順住眉毛方向畫上一條條斜紋，可以模仿到眉毛，效果會比較自然

可能討論時間耐左，麻醉開始失效，而且近眉骨位正式落筆感覺蠻痛>< 相比起黎做眼線嘅感覺只係微不足道，但為左靚都要死忍！(☍﹏⁰)

試畫眉型時候都有點質疑，因為畫嘅筆觸比實際深同粗得多，效果頗奇怪但正式落筆效果自然好多，雖知顏色係會甩一部份，所以剛剛做好係會比較深

下圖為之前同即時效果比較，眼皮同眉都覺得熱熱地，睇落眼有點腫，其中一邊眉仲有輕微滲血，似被割傷有傷口嘅感覺，唔算紅腫得太嚴重所以Karen話無需敷生理鹽水都可以，由於頭髮唔乾淨所以佢唔建議兔比用前蔭遮住眉（仲一心諗住遮一遮條深黑眉(ㆀ˘･з･˘) ）做眉同補眼線全個過程不過一個鐘頭多少少，比想像中快呢~

翌日都未完全消腫，眼皮厚左D，不過條深色眉的確比較凸眼，有同事問兔比係咪畫左眉(๑꒪ㅁ꒪๑)"（平日返工都係不施脂粉）

做完嘅第3-4日眼線同眉感覺痕痕地，似傷口愈合嘅感覺，第4日明顯開始甩黑色皮屑，甩左皮屑嘅位置明顯較淺色，以第一次做完持久眼線嘅經驗睇之後顏色深淺變化唔會太大

現時眉仍然蠻深色，希望可以快快甩晒皮仔啦！ (⋈◍＞◡＜◍)

要特別一讚美妝師好專業，根據唔同要求同客人特點去俾建議，唔係只會做一式一樣嘅持久化妝，而且非常有耐性，唔該晒Karen同Kit！

好消息！原定30/6截止嘅75折優惠延期至30/9，大家有興趣做持久化妝嘅話千祈唔好錯過啦！click入 https://docs.google.com/spreadsheet/viewform?formkey=dGVPZXdPSEJPLUFvWlFid1hwemdqUWc6MQ 登記後Vytal mei會主動聯絡您安排預約

Categories: ● 持久化妝, ● 紋眉, ● 紋眼線, ● 優惠, ● VYTAL mei, 愛美體驗