發表文章
兔比已好一段時間棄用左Cream，
保濕鎖水重任就由較清爽嘅Gel狀產品，
早前收到Fashion & Beauty邀請試用
Sebamed Visio Active Hydro Gel 施巴微囊保濕啫喱，
正合兔比心意呢~
保濕對皮膚嘅重要性無需多講，
但皮膚本身有自己嘅保護屏障您知道嗎？
5.5係關鍵數字？
醫學研究證實健康皮膚表面水脂膜呈微酸性，
處於酸鹼值pH5.5為最佳狀態，
表層酵素可以發揮最大防禦能力，
保護皮膚免受環境污染侵害，防止水分流失，
選用pH5.5護膚品就有助鞏固及促進弱酸保護膜形成
施巴Sebamed大家都唔會陌生吧？
早前兔比都曾經試用過施巴女性護理潔液
(前文回顧：女生私密語。。。特別的妳特別的貼身呵護）
產品酸鹼值pH5.5正正係施巴品牌特點，
產品經由科學研發及通過醫學敏感測試，
溫和呵護肌膚，唔會破壞天然酸膜功能
Sebamed Visio Active Hydro Gel 施巴微囊保濕啫喱
含專利微囊緩釋綠珠Sebaspheres
輕輕按摩就能滲入皮膚底層，釋放養分，
達致持久活化皮層鎖水效能，
預防黯沉、缺水問題
另含透明質酸複合物、蘆薈及泛醇，
大幅提升面部皮膚含水量，促進細胞更新，
而且無乳化劑、唔油，唔阻塞毛孔
質地係有綠色小珠嘅透明啫喱，有微香
唔止睇落透心涼，搽上皮膚即時感覺到水份滲透
（肌膚太乾有輕微拮拮地感覺屬正常）
有效提升肌膚水份
按摩期間綠色小珠會漸漸溶解消失，
啫喱要完全被吸收速度比較慢但勝在零油感
不過略嫌小珠太少，
有時沾取一次份量都未必有一粒，
撇除綠色珠珠本身保濕鎖水尚算稱職，
面油分泌相對減少，
開左成晚冷氣皮膚都維持到足夠水份同彈性
溫和性質而且含有蘆薈及甘草成份，
作日曬後舒緩保濕都係不錯選擇，
預先冷藏加強降溫效果更加爽呀！
日間唔建議取用過多份量，
否則吸收費時觸感會有點黏，
兔比試過厚搽加上BB Cream後出擦膠碎，
反而晚間搽厚一點就無妨
特別一提價格方面非常親民，
50ml不過售HK$175，
預算不多嘅朋友可以試試~
0 留言:
張貼留言