肌膚與離子初邂逅。自家FACIAL＠HABA二合一離子明眸美顏器

市面上形形式式嘅導出導入機大家見慣晒，甚至已經入手了吧？今次介紹哩款 HABA升級版二合一離子明眸美顏器 絕對夠突破！

以上兩張圖其實都係影住同一部機，皆因佢可以變身喔！

兔比有幸應邀率先試用 HABA 全新推出升級版 二合一離子明眸美顏器

美顏器配有2種離子碌碌，可分別全面使用同作重點護理，包括針對眼部肌膚及缺水紋，有別一般同類產品只有1個離子頭，欠缺照顧面上微細部位(如鼻翼兩旁、眼部肌膚，法令紋等)

換頭亦相當方便簡單，只要輕輕打橫推就可以拆除同裝上，聽到click一聲就代表鎖緊， 輕鬆更換所需離子碌碌配合唔同需要

升級版美顏器加強導出導入功能外，仲新增POINT CARE模式，特別照顧面上微細地方，清潔時重點清潔眼部肌膚及鼻翼兩側；導入時重點改善眼部肌膚，仲可發揮按摩作用，有助血液循環，促進淋巴排毒，改善黑眼圈，收緊眼袋

美顏器除左離子護膚同時仲楺合LED光療美容，使用期間機身會發出LED光：離子潔膚(Cleansing)時發出藍光，有助抑制皮脂分泌兼具殺菌功能，治療暗瘡和暗粒離子護膚(Refine)時發出紅光，刺激膠原蛋白增生，改善細紋、鬆弛

離子碌碌採用不鏽鋼製造，安全耐用又唔引致敏感，用後可以直接拆出離子碌沖洗，避免細菌滋生

流線形設計機身相當就手

電源方面採用叉電池，而且重量只有100g，帶出門都相當方便

離子電流一定要以水份傳遞，所以必須配合濕面膜紙使用，先將面膜紙濕透G-Lotion（可改用其他化妝水或蒸餾水，但唔可以用有雜質嘅水喉水），然後敷上面，再以美顏器離子碌碌響面上滾動，全面使用全面合共碌8分鐘，而point care就3分鐘，夠鐘會有聲響提示同自動斷電

注意使用時用家必須直接用手接觸住機身兩側金屬部分，先可以通過電流發揮作用，唔可以由他人代勞~

導入導出基本上都係一樣，分別在於導入要先搽上精華再敷上面膜紙，而導出直接敷上面膜紙就可以，美顏器可配搭任何爽膚水或精華液使用，但必須係非油性、不含香料或酒精，而且太杰身精華由於份子太大都唔適宜

品牌推介配合皇牌White Lady美白精華使用，有美白收毛孔功效，而眼周可配合Lift-Up Serum輪廓提昇緊緻精華，有收緊提升及改善眼袋功效，兩款精華質地都為水狀，滲透度本身已好唔錯，White Lady更加係兔比舊愛，對淡化印痕效果顯著！導入時可全面搽5泵，以美顏器離子正負原理將養分統統推入肌底

使用時無咩特別感覺，暗瘡位置都無痛楚，只係碌到有傷口位置會有輕微刺痛感，完成導入或導出後面膜紙嘅水份都幾乎被吸乾

大碌碌的確照顧唔到眼周同鼻翼，不過一換上細碌碌問題就迎刄而解，換碌設計靈活性高，細微位置都唔會錯過！

導出唔會見到如其他導出機咁有污垢依附響面膜紙，但肌膚會比較有光澤，毛孔都收細唔少

導入後感覺肌膚水份有所提升，摸上去滑滑嫩

試用兩個星期做左三次導出+導入（配合White Lady），次數唔多當然唔可以期望見到顯著美肌效果，但潔淨方面係有點效果，至少鼻上黑頭粉刺少左，另外痘痘印痕明顯褪色，期望之而行膚質可以更加好~

雖然品牌方面推介配合自家面膜紙，但不得不説面膜紙剪裁的確有待改善，周邊同鼻位唔貼服面部，碌過時面膜紙依附住離子碌=0= 雖然薄但好吸收水份，30ml一支G-Lotion經過一次導出＋導入已經所剩無幾．．．如果嫌每次導入導出都要用一張面膜紙太煩，可以直接敷面膜時使用，加強精華滲透

隨機附有說明書，底頁為印有機身編號嘅保養書，一年內如果有任何問題可憑保養書全套連火牛送回專櫃，就可以進行免費維修，不過電池損耗唔包括在內，電池壞左亦可以到任何一個專櫃配返~

記得兔比早年購入一部同為日牌導出機都要$500，而 HABA二合一離子明眸美顏器 配以導入導出及重點護理功能，都只售$2280，其實係值得投資！總覺得愛美人士點都要有部美顏器傍傍身，點忙自己都可以響屋企做做護理

Categories: ● White Lady, ● 美容小電器, ● 美顏器, ● 無添加, ● 導入, ● 導入器, ● 導出, ● 離子, ● HABA, ● ION機, 產品試用