開架好物2 steps打造太陽花眼。。。假睫毛還要用嗎？

好耐以前已經好喜歡逛個人用品連鎖店入面嘅開架式化妝品貨架，學生妹無咩錢花得起，打扮都要就住budge！好在開架化妝品選擇夠多，價錢親民之餘當中唔少效果都不遜於貴櫃產品。最近率先試用嘅 L'OREAL PARIS Double Extension DEX Curl 24 睫毛液係其中一個好例子~

紫色包裝已夠醒神注目！仍未知道上架仲有無其他色號，不過要打造最驚艷美睫效果01 Black 黑色當然係不二之選！

有印象的話都知Double Extension系列睫毛液已經推出好一段時間，而今次全新推出DEX Curl 24睫毛液主打有如電燙睫毛嘅捲曲效果

同其他 Double Extension 成員一樣雙頭設計，金色一頭係睫毛打底霜，含水性柔軟劑（Aqua Relax System），即時軟化睫毛，令睫毛處於可塑造狀態；紫色一頭係濃黑睫毛液，含防水塗層彈性捲曲聚合物（Flex Polymer）令睫毛柔韌有緻富曲線美。

根從指示先搽上Step 1睫毛打底霜，底霜顏色係閃灰色搽上去好顯眼，之後搽睫毛液要仔細咁遮蓋好~

打底霜當中嘅水性複合物（Hydro Complex）可以軟化睫毛，但唔會令睫毛下垂，而當中神經酰胺（Ceramide）具粘性特性有助柔順睫毛角質層，強壯又增加睫毛光澤。另外，亞根油（Argan Oil）同荷荷巴油（Jojoba Oil）成分，由根部到尾部滋養睫毛，減低對睫毛傷害。

然後搽上Step 2睫毛液，孤形刷頭微微彎曲輕易貼近睫毛根部塗抹，捲曲定型因子（Flex Polymer）配方令睫毛捲曲，維持柔韌性同曲線，就算潮濕環境都唔會令睫毛下垂。

兔比本身睫毛天生筆直又下垂，而且好軟身要好花時間先夾得曲，就算夾得曲又話咁快dup返．．．唔係隻隻可以維持到捲曲度，試過一路搽睫毛液將原本夾曲左嘅睫毛都拉直，激氣到暈（兔比唔係要幫睫毛做負離子呀！）

DEX Curl 24 絕對無令兔比失望，夾曲左嘅睫毛都乖乖維持捲曲！2 steps都搽左一層睫毛增長左大概2-3mm，而且根根分明唔會纏埋一齊~ 搽埋下睫毛就變成誇張太陽花眼，連假睫毛都唔駛派上場啦！

美睫效果唔錯之餘特別讚讚 DEX Curl 24高防水度，用濕透化妝綿蓋住一陣再輕捽完全無甩色，不過卸除要比較花時間去仔細揉搓囉~

Categories: ● 化妝, ● 開架, ● 睫毛液, ● 睫毛膏, ● DEX Curl, ● Double Extension, ● L'oreal, 妝物妝文, 產品試用