發表文章
一到埗接待員指示去沙發坐低稍等，茶水姐姐即時殷勤咁為兔比斟花茶同奉上雜誌，等候期間令客人絕對唔會有被冷落感覺~ 冇幾耐接待員就奉上一份表格填寫個人資料同皮膚狀況
專程過黎嘅Marketing同事Cherry為兔比仔細講解療程同意書上注意事項，又帶兔比四圍逛逛。本來Cherry想安排兔比去VIP房睇睇，可惜當晚作培訓用途無緣入去參觀
入夜後窗外景致比上次參觀個時靚得多。由於上次人太多，所以今次特別再去睇睇SPA房，景觀係眾多房間中最正，響咁靚嘅夜景前嘆SPA真係好享受~
去化妝間鎖好個人物品就入房做療程，今次療程上半部激光由上次做示範嘅Michelle負責。
先用Cleansing milk洗兩次面，確保皮膚絕對清潔好先開始打激光。由於激光唔可以用肉眼直接睇，Michelle幫兔比雙眼貼上3M膠保護。先響額頭試一下感覺，無問題就先做半面，期間Michelle不時會問一下感覺O唔OK。激光進行期間一直有凍風冷卻，同之前響per Face做3As感覺差唔多，似被橡筋彈同輕微温熱，響毛髮較多嘅位置感覺會比較強烈，聞到有少少碰碰車場嘅羅味~ 或者之前有試過3As嘅朋友會疑問兩者分別，今次哩款激光儀器係3As個部嘅進化版，可以用較短時間達到效果。
全面會打兩次激光，已打激光嘅右邊面明顯即時比另一邊白淨通透，摸上去亦較幼滑，面上毛髮嘅黑色素吸收左激光都變成透明，可見激光嘅顯著美白效果，更厲害係無損傷同發紅情況，絕對安心！（最近又爆痘痘，希望無嚇親您．．．）
成個療程最獨特莫過於激光後修護！抹面後經內門移步去隔離房換上圍巾，又馬上進行療程下一部「紓壓按摩療法」。
Yuvia配合最新產品Epidermal Repair高效修復舒緩霜同B5 Gel為兔比進行指壓按摩，用作係速效修護同舒緩激光後皮膚~
指壓按摩力度岩岩好，特別按摩太陽穴同額頭個時將繃緊嘅頭顱肌肉鬆弛，感覺好舒服~
把握皮膚最吸收時間敷上B5紓緩面膜，為肌膚紓緩、修護同緊緻毛孔，再倒模加強養份吸收。等候面膜吸收同時Yuvia同時為兔比進行手部同肩頸按摩，有助舒緩壓力，特別岩平時成日對住電腦搞到肩頸酸痛嘅朋友。最後搽返眼霜同防曬就完成，舒服到唔想起身囉~
有點不足係進行按摩嘅房間頗凍，換上圍巾之後感覺更凍，雖然有暖氈但由於warm up需時，所以都擔心會冷病呢~
有別其他醫學美肌中心，激光過後只係單單敷面膜，SkinCeuticals Advanced Medical Spa by per Face結合激光治療同首創「紓壓按摩療法」，有助加強新陳代謝同啟動細胞循環再生，令效果事半功陪又有助紓壓，醫學療程原來可以咁relax~
宜家只需 $398 (原價 $2,400)就可以率先體驗SkinCeuticals激光全效美肌療程，仲可以獲贈SkinCeuticals Hydrating B5 gel 15ml (價值$350)，絕對值得一試！再者B5 Gel係秋冬保濕聖物，乾燥肌必備！想試試就快D click入 http://www.perface.com.hk/promotion/?c=88 登記啦！
*只限首次登記客戶。
0 留言:
張貼留言