粉底再好都要綠葉扶持。。。附免費試用換領卷

前文回顧：
心裡心裡有個謎。。。bareminerals礦物粉的迷思
（影音）「假的真得了！」偽素顏妝容。。。附影音分享
Attention Please！祼妝革命。。。全天然鑽石級粉底快將登陸

bareMinerals 礦物粉有幾讚之前幾篇文篇都同大家分享過，但再好嘅產品都要配合埋妝前底霜同化妝掃先可以塑造出最好妝效

先講Prime Time Foundation Primer，匯聚多種植物精華、抗氧化物、維他命C同E，令粧容更持久而且整天保持清爽無瑕，配方同樣不含防腐劑同其他化學物，適合任何肌膚，全系列有3款選擇分別係：

ORIGINAL : 揉合抗乾燥的甘草葉精華、蘆薈精華、洋甘菊精華
OIL CONTROL :適合油性肌膚人士使用

BRIGHTENING : 具珍珠粉末閃亮效果，令肌膚看來平滑光澤

兔比手上嘅係BRIGHTENING，有閃粉粒子但不過一D都唔誇張，反而係低調咁改善暗啞肌膚

質地滑滑溜超好推，搽完皮膚睇落更幼滑細緻

bareMinerals 礦物粉底固然好用，不過兔比仲發覺佢地出品嘅化妝掃都唔可睇少。手上哩支Handy Bulky係礦物粉好拍檔，由山羊毛製造，毛質非常柔軟唔會拮肉，用埋黎掃眼周都無唔舒服感覺~

之前都講過要以打圈（Swirl）方式去沾取粉底，不斷打圈直至沾取所有粉末，如果唔好好打圈上面之後可能會出現不均勻情況，令毛孔顯眼呢~ 掃毛密度好高，接觸面夠大，自然可以沾到更多粉粒

bareMinerals 化妝掃都經特別設計及剪裁，特別適合抓緊礦物粉，粉粒都乖乖黏住掃毛，掃上面上個時令礦物粉均勻散於肌膚，輕輕敲走多餘份量然後掃上面效果已有唔錯coverage，仲有可以用唔同化妝掃營造唔同遮瑕效果，咁就唔怕遮完之後一個粉樣啦~

話明附好康情報，上星期兔比列印左以下哩張e-coupon去專門店竟然仲可以換到一套mini set（無諗過仲會換到呢~）

雖然已經有full size在手，不過哩個mini size實在可愛到不得了，仲附有一支BB掃，帶出去補妝都夠輕便~ 用完refill返放響化妝袋備用都好

BB掃同mini foundation只係原來size化妝掃嘅掃頭咁大，極迷你！

據知會有補貨，大家都print定一份隨時經過太古廣場Harvey Nichols同尖沙咀FACES專櫃可以去碰碰運氣~

Categories: ● 底妝, ● 礦物粉底, ● 礦物彩妝, ● Bare Escentuals, ● bareminerals, ● prime time, 妝物妝文, 產品試用