bareMinerals除左粉底仲有．．．

前文回顧：
（影音）「假的真得了！」偽素顏妝容。。。附影音分享
粉底再好都要綠葉扶持。。。附免費試用換領卷
Attention Please！祼妝革命。。。全天然鑽石級粉底快將登陸

前幾篇已經同大家分享過兔比近期大愛嘅 bareMinerals Foundation 同配合使用嘅底霜同化妝掃，今次最終回為大家介紹 Foundation 以外嘅底妝產品

一般我地上完濕粉之後都會上多層碎粉定妝，而 bareMinerals Mineral Veil 純礦物定妝粉就係哩個角色，令妝容更持久同增加透亮感，4款不同選擇包括 Original透亮、Tinted調色、Hydrating保濕 及 Illuminating光感，同樣純礦物配方，不含任何化學物質

兔比手上哩款係 Illuminating Mineral Veil

粉質同粉底一樣幼細，就咁睇略嫌過份閃爍

以Swirl（打圈）、Tap（輕拍）、Buff（掃上）方法使用，兔比會首先將沾左Mineral Veil嘅掃先往T zone掃，然後由內向外掃，有助加強面部輪廓~ 就咁睇略嫌過份閃爍，不過上左面其實並唔誇張，薄薄掃一層即見明亮效果，反而上得太多就過白同bling!

Well Rested 為礦物亮眼粉，可惜兔比膚色深而且眼圈又異常深色（不得不承認哩個事實．．．），手上哩盒 Well Rested 完全唔岩色，搞到眼圈遮唔到不特止仲灰灰白白．．．只可以用作鼻樑光影

今次好榮幸可以獲邀試用 bareMinerals 產品，妝效透薄自然又唔傷皮膚，回購度達100%！如果要數不足之處就係攜帶唔太方便，因為要配合化妝掃使用~

Click Lock Go® 設計其實幾好，不過兔比無記性用完無lock返個蓋，搞到漏晒出黎又倒唔返入去，大頭蝦要小心啦~

bareMinerals除左底妝仲有彩妝產品，而且有聖誕優惠可以俾個籍口自己趁機入手啦~

Categories: ● 底妝, ● 粉底, ● 碎粉, ● 礦物粉, ● 礦物粉底, ● 礦物彩妝, ● Bare Escentuals, ● bareminerals, ● mineral veil, 妝物妝文, 產品試用