發表文章
未參與試用之前我對Melvita都無咩認識，咁當然拎試用前要了解一下先啦~如果你都唔多認識Melvita，我地一齊睇睇簡介：
Melvita在1983年創辦，是有機美容的先驅，今日我們已成為法國天然有機美容產品的領導品牌之一。Melvita堅持走有機路線，因為我們相信使用有機產品是維繫地球未來生態環境的重要關鍵。
愛護大自然、堅持環保與有機及保護環境是 Melvita的三大經營概念
經營守則
■我們的產品符合ECOCERT，環保及有機護膚品的標準及 Cosmebio 標籤的要求
■我們堅持優先選用有機耕種或環保採收方式得來的原料，因為我們反對任何化學污染或破壞大自然的行為
■數十年來，我們一直反對進行毫無意義及殘忍的動物測試
■我們確保所用的包裝物料全部都可循環再造
■我們積極支持可持續發展的經營方式，致力保護大自然的美、生物多樣性及生態平衡
■我們全力與本土及世界其他貧困地區的農戶，建立良心、人道及公平
■我們以愉悅享受、卓越功效及芳香吸引為研發產品的基本要求
今次直接到K11專門店拎試用產品，兔比去到最後個日夜晚先去拎，Melvita好貼心打電話提我去拎試用產品，原來我係最後一個Blogger去拎試用品...=="去到專門店先知Melvita產品好全面，由護膚、護髮、嬰兒護理到食品都有，由內到外都照顧周到。店員主動向兔比介紹產品同示範用法，服務態度非常好
有機堅果油 (ARGAN OIL)
採購來自摩洛哥海邊的堅果樹，內藏豐富的脂肪酸及植物固醇，對乾性及敏感性皮膚具修護、深層滋潤及保護作用，尤其有效消除幼紋，令肌膚即時回復光彩。堅果樹亦可作護理指甲及頭髮。
使用方法及小貼士：輕力按摩於臉頰及身體上，可增加滲透力。
美容小貼士：使用在微濕的肌膚上，功效更佳
今次試用既有機堅果油，最岩兔比哩D乾到爛既肌膚。為左親身體驗滋潤效果，兔比之前停用左幾日一直用開既Body lotion，而面就用係所有護膚品之後以加強滋潤，除左皮膚兔比都將產品用係髮尾
質地唔會好黏好厚，推開後等一陣感覺被皮膚吸收，唔會黏笠笠。樽身細細，泵裝有利控制每次取用量，泵頭一擰可以lock住防止唔小心一按泵左D油出黎
平日如果唔太乾燥可以將堅果油倒上掌心（約一毫子分量），然後係手掌先推勻，再印上面或往身上其他位置推開，最後兔比會將手上剩餘既油擦上髮尾。每次只pump少少，寧願唔夠再補，免得感覺太油。如果真係倒多左都可以擦係髮尾，頭髮吸收得好快，所以雙手輕易變得乾爽，髮尾都唔會油笠笠。最近咁天氣比較乾燥，可以Mix埋lotion或者面霜使用，如果買左D雷既lotion唔夠潤可以用堅果油提升滋潤度，或者你同兔比一樣初試植物油好怕油膩感都可以Mix黎用
用左一星期多D，發覺產品好快俾皮膚吸收，皮膚停用幾日body lotion小腿皮膚乾到痕，腰位仲起埋皮仔，搽左堅果油2日止左痕，而且腰位D皮仔都消失埋，可見佢既滋潤力量
相信大家都擔心用堅果油會block毛孔，拎試個時兔比已經問過店員，店員表示唔會！因為產品係天然有機植物成份，可滲透至皮膚底層，有別於一般所含既石油成份。兔比親身用左個幾星期都冇任何過敏、爆瘡或者黑頭粉刺增多現象
兔比給你一個溫馨提示，由於Melvita有機堅果油不含人造色素及防腐劑，大家用既時時候記得留意盒底既有效期，同埋跟據盒上指示開封後6個月內使用，過期使用有可能會損害皮膚
今次試用Melvita有機堅果油一枝可以用勻全身，單用又得撈其他product又得，絕對係秋冬滋潤之寶！
有興趣了解更多Melvita同旗下產品可以到 http://hk.melvita.com/
0 留言:
張貼留言