發表文章
今日活動主角就係佢啦！Kiehl's高效順滑護髮系列
產品知多D （資料轉戴自星島日報及she. com）
堅果油係寶？
長久以來，摩洛哥婦女一向視摩洛哥堅果油為瑰寶，並稱它為「液體黃金」，因為它能滋潤肌膚及秀髮。蘊含豐富抗氧化物的摩洛哥堅果油，能為髮絲補充豐富的必需脂肪酸(亞油酸)，同時能溶入於頭髮的鱗狀表層，改善粗糙質感，有效改善髮質，令髮絲如絲般柔軟貼服、健康潤澤
眾所周知，以經營著名藥房起家的Kiehl's，為貫徹回饋社會的宗旨，旗下所有面部、頭髮及身體護理產品，均採用購自公平貿易組織的100%天然材料製作。最近，品牌就選用摩洛哥的有機堅果油研製全新護髮配方。全新高效順滑護髮系列，均以購自公平貿易組織的100%天然有機摩洛哥堅果油及天然油分研製，能改善毛燥引起的問題，同時為髮絲提供深層滋養，令秀髮回復柔順，作為冬日的護髮補給品最適合不過。
入場坐定定就由Kiehl's代表介紹一下哩個系列產品
高效順滑護髮系列包括高效順滑洗、護髮露同高效順滑秀髮修護膜，使用後即時減低毛燥及髮絲飛散情況
產品特點係不含sulfate唔會帶走頭髮中水份同必需油脂，而且以摩洛哥堅果油代替一般護髮產品所用既silicon，可以真正的滲入髮芯內，修護頭髮，令到頭髮平服順滑。其實平日都好少留意用緊既產品有咩化學成分，不過個人認為太多化學成分有時睇起黎頭髮好左可能係假象，始終天然成分最為可靠又用得放心。
接住由星級Hair Stylist為大家介紹秋冬髮型潮流，今季推中間界長髮、由頭曲到尾既髮型同Copper Brown髮色
收到電話邀請只知係Kiehl's護髮產品活動，仲刻意捲左頭髮，去到先知原來人人有份即場試試product同造型，浪費左整頭時間同一番心機
Hair Corner staff 幫我地用高效順滑洗、護髮露洗頭，之後搽高效順滑秀髮修護膜等3分鐘再過水，聞到一陣陣草本氣味，應該係堅果油既味，唔知點解我覺得似甘草檸檬既味．．．
洗完髮Hair Stylist就幫大家造型，因為難得有專人幫自己整頭兔比請Hair Stylist set返平日少試既曲髮，用手同風筒就可以造到自然曲髮。哥哥好細心拍照前主動幫我整理下頭髮
後面
雖然髮型Set到靚靚，但齋用風筒始終唔夠，hold到半日唔夠就塌晒．．．搞到唔直唔曲咁 ＞＜
臨走前收到一套三件產品，全部貨size有排用，可以返去真真正正試清楚～即場用左一次覺得髮尾無咁乾同kick，用完髮膜都唔會笠頭髮，兔比會繼續用落去
今次見到好多熟悉既blogger，如果我見到你無打招呼請唔好介意，兔比成日搞唔清邊個打邊個
同Staice合照
同水魚合照
好開心完左有水魚相伴食Tea，第一次跟blogger face to face傾左咁耐，希望好快有機會再見啦！
後記
用左差不多一星期都係時候同大家share下
高效順滑洗髮露
珍珠白色，質地無咩特別。加水係手心揉搓，可能因為天然成分起泡量唔多，不過用眼線掃試潔力唔錯，連乾晒既gel eyeliner都輕易洗甩
高效順滑護髮露
乳霜質地，感覺輕盈順滑秀髮修護膜
開左蓋個樣好似豆腐花，質地好厚，明顯比護髮露滋潤得多，搽好要停留最少3分鐘，同兔比一樣係油性頭髮既建議只集髮中至尾位置，始終修護膜都較為滋潤以免笠頭髮。用於秋冬季最為適合
用左好幾日感覺幾好，天然成分用得放心。髮絲飛散情況改善左唔少，頭髮較順滑易梳，而且摸上去變柔軟左，唔洗再做鐵線頭啦^0^
短短幾日就有效果，又發現新大陸，哈哈~
0 留言:
張貼留言