由體內著手的全方位美肌實錄（第一章）

各位睇得Beauty Blog都一定都係貪靚一族，成日都share下咩skincare好用，但好多時大家都忽視調理體質對肌膚嘅重要。

須知道外用護膚品始終係治標，通常只停留響肌膚表層或滲入角質層，而未進深入皮膚底層發揮作用。單靠外用護膚品，就算再好嘅產品往往都唔能夠達到理想美肌效果，反而改善好體質肌膚自然會靚，而且比用咩外用護膚品更實際。兔比唔係叫大家唔洗用外用護膚品，只係內外保養絕對係缺一不可。

其實一直以黎兔比都自知生活習慣唔健康，只係病痛唔多就唔去正視，平日都無食咩supplement或內服美肌產品，之前都只試飲過H2O+ Collagen 8000（前文回顧：初嘗Collagen Drink。跟Sammi飲H2O+ Collagen 8000 真係O WOR？！），雖然個次試飲完個效果都幾令我滿意，不過始終唔係由改善體質著手，同樣係治標唔治本。

好好彩早前兔比獲邀試服CELLUTION內服健康產品，起初對CELLUTION係完全陌生，只係抱一試無妨心態。可能大家都唔多認識CELLUTION，就等兔比介紹一下啦~

CELLUTION以醫學知識探究細胞淨化為基礎，憑多項浸會大學生物系臨床科學測試作爲認證，配合知識、經驗與智慧，薈萃出嶄新的自然理念 - D.N.A 抗衰老醫學，創造歲月常青新領域，體驗新肌、新生命的真實見證 。

Dynamic 「動力」- 籍著堅持的信念，努力不懈地研發新方向

Natural 「天然」- 嚴選優質天然成分，絕不含任何化學、毒性及重金屬物質

Anti-Aging 「抗衰老」- 淨化身體細胞，全面提升人體健康質素

以兔比理解CELLUTION理念係以科研為本，用天然成份改善體質。除左推出內服健康產品，仲提供美容療程同身體檢測服務。

今次試服產品包括兩種，事前要先到CELLUTION見見醫生，由醫生決定最適合試服邊種產品。

Colli-G 抑黑活顏因子 （ 60粒 X 500毫克 HK＄1,850）

由多種天然草本植物精華及專利活化配方Uva-binine®製成，能有效提升肝臟功能，針對抑制黑色素形成，提升真皮層之膠原蛋白彈性纖維之水平，同時加倍推動淨肝、護肝之速率代謝。產品經香港浸會大學生物系進行多項功效及安全性科學測試，測試結果顯示，只需服用兩星期，肌膚質素即獲得全面提升，持續服用，更可有效擊退肌膚鬆弛、皺紋、色斑等老化問題高達90%。

功效：美白去黃、改善肌膚、收細毛孔、平衡皮脂、提升緊緻、改善眼袋、淡化色素、減淡黑眼圈、淡化皺紋、清肝護肝

「20盈加」抗氧活化元（20 包 x 20 克 HK＄880）

能有效調整體質及保護肌膚免受自由基侵害。經香港浸會大學生物系進行科學測試，結果顯示「20盈加」的抗氧化功效比維他命Ｃ高出47倍，是多功能抗氧化氨基酸飲料。

功能：幼滑肌膚、修身纖體、增強體能、增強免疫力、提升精神、強化記憶、補充整全營養、調理體質、改善情緒、改善睡眠質素

半個月前兔比去CELLUTION見見創辦人Dr. Lily  Lai，先影低服用產品前嘅面部皮膚狀況，再了解一下個人生活同飲食習慣。

初次見面Dr. Lai就恨批兔比個樣好攰，成個人膚色好灰好暗，唇色深到似中毒．．．飲食習慣又唔健康，多煎炸野少菜又少生果，唔食早餐，成日飲檸茶檸水咖啡而且飲水都唔夠．．．而且腸胃唔好唔係每日都有便便，無用嘅廢物長時間停留響大腸再次被吸收，食咩就完全反應晒出黎。如果唔盡快調理恐怕唔只皮膚唔好，過幾年身體會出現好多毛病．．．Dr. Lai唔係一味批評，而且俾左好多改善建議：每日食麥皮做早餐，可以的話加埋生果，戒飲檸茶檸水咖啡奶茶，每日都要食菜。為左健康著想的起心肝由飲食著手改善體質！

最後安排兔比先試服Colli-G，每日服2粒，要效果好建議飲去濕茶先去除毒素，唔想自己煲可以飲浸大出個隻健脾化濕方。

個晚就即刻開始試服，第朝個人好攰，無時無刻都想訓覺，而且之前輕微感冒徵狀又浮現，雖然Dr. Lai話怠倦想睡同感冒徵狀再出現係正常現象，但估唔到咁快起作用，大概一星期後就唔覺攰，同埋之前未清嘅感冒都唔再復發。另外，排便次數增加，每日都有便便，可見Colli-G發揮作用。

可見效果方面，雖然前後照拍攝燈光唔同，但明顯去左面上暗暗黃黃，皮膚光澤感提升，眼下色素同眼紋都減淡，睇落個人精神好多，短短兩星期效果已經有目共睹。

前幾日再約左Dr. Lai跟進情況，佢見到效果唔錯再安排兔比試服埋「20盈加」抗氧活化元，約定兩星期後再跟進情況~

想知效果如何？下回再分曉！

To be continue...

Categories: ● 20盈加, ● 抑黑活顏因子, ● 保健, ● Cellution, ● Colli G, 愛美體驗