苦中一點甜。。。抗抑鬱小良伴

請容許兔比響哩度呻一呻...

近來受到工作方面影響，負能量增長，一靜落黎情緒就低落起黎．．．即使係小小唔如意事情都牽動到情緒。兔比都自知EQ太低，但心中個種不快感唔知點化解，還好兔比係個貪食之人，食一點甜野心情會好一點，尤其係食朱古力。

據說朱古力可抗抑鬱，令大腦產生開心平和感覺。當憂鬱、沮喪，或需要安慰時，進食朱古力有助減少鬱悶感覺。哩兩盒朱古力黎得及時，佢地正好成為負能量緩衝劑，分別係Dove Silky Bites藍莓同黑朱古力味。

有時開左一排朱古力，一次過食太多太漏，再包返又唔方便，袋入手袋又怕搞到一袋都係~Dove Silky Bites包裝令兔比有點驚喜 ，膠筒裝朱古力豆豆，開蓋倒出唔駛下下撕開包裝袋，一次食唔晒都可以好好保存。細細盒放入袋唔阻訂，口痕又可以啪幾粒。細細粒容易食，悶悶地唔一定只有香口膠同糖可以嗒下。

藍莓味濃但跟朱古力味好夾，朱古力愛好者黑朱古力味會比較岩口味，兩款口味都口感細滑，兔比個人覺得唔會過甜，不過口味其實好因人而異。

最方便係唔駛用手指放入口，倒響掌心拋入口，唔會整污糟手指又可以繼續打文~

唔覺唔覺食左好多．．．好彩每粒不過8卡唔里，食多D都唔怕啦！

尋晚會一會兔比佬訴訴苦，心情好左唔少，不過兔比都會袋住朱古力響身，隨時氹下自己氹下人，點都好開心最緊要！

粒哈哈笑係Vicke送，細細粒好可愛，兔比好鍾意！大家都要好似佢咁哈哈笑過日子喔！

Categories: ● 巧克力, ● 朱古力, ● 抗抑鬱, ● DOVE, ● Silky Bites, 生活點滴