保護自己免受傷害。。。有賴UV專家

認真講兔比最怕夏天，夏天一到兔比就會曬到黑上加黑，有睇過之前個篇Obagi用後分享文（前文回顧：黑人都變白啦！見証一下Obagi-C Rx功效 (終極篇) 小心！內有驚嚇照）嘅都應該見識到兔比黑到幾嚇人體驗過深刻教訓後，兔比自此夏天會用上至少SPF30防曬產品，其他時間都用至少SPF25防曬。

除左曬修曬黑之外，須知道UV對肌膚傷害極多，引致色斑、皺紋出現同加速肌膚老化。唔只夏天，其實防曬一年四季都唔可以懶，光線內UVA含量至少高出UVB 18倍，UVB只在夏天時特別強烈，而UVA全年都強烈。UVB只會停留於肌膚表皮，而UVA可深入肌膚底層，包括真皮層，令肌膚會出現光老化現象，例如出現黑斑。

今次再獲she.com邀請試用Lancôme UV Expert兩位成員，兩款都係法國製造，提供SPF 50防曬度。Lancôme UV柔白系列產品採用MEXORYL® SX & XL抗UV過濾系統，提供強效UV防護協同作用，可同時對抗UVA及UVB，提供12小時長效UV防護。

Lancôme UV Expert GN-Shield BB Base (全方位防禦抗曬BB底霜) SPF50 PA +++ HK$350 / 30ml

Lancôme最佳UV技術與BB專長結合，為Lancôme第一款「遮瑕霜」。細緻與輕薄質地，同時擁有BB配方，輕輕一擦即可提供最佳遮瑕效果–黑斑、膚色不均、細紋，並可給美麗嫩白及透亮光澤，SPF 50 UV防護作用可保護細緻肌膚不受UV傷害。

可單獨使用或粉底前使用，跟一般BBcream差唔多淺杏色膏狀，質地好易推唔厚重，有微香。試一下響手背推開後，明顯提升肌膚光澤感，唔會過白而且夠貼薄，摸上去都唔黏膩。

岩岩有痘痘同痘印可以試一下遮暇度全面推勻再響痘痘同痘印印多少少，遮暇度令人滿意，可惡嘅痘痘同痘都變得唔顯眼。不過兔比皮膚太乾，本身T zone位出油情況嚴重，單搽左佢唔夠半日已見油光，睇黎要加D碎粉用．．．

Lancôme UV Expert GN-Shield Make Up Base (全方位防禦抗曬隔離霜) SPF50 PA +++ HK$350 / 30ml

淺杏色乳霜狀，質地比同系列BB base水潤且更好推，同樣有微香。試一下響手背推開後，初初覺得有D黏手，過左一陣黏黏感覺消失左。哩款唔似BB base有遮暇度，只有潤色效果，不過大大提升肌膚光澤感。作為Make up base，用左佢再上底妝的確感覺較好推同更貼面，至於妝容持久度似乎差唔多。

兔比揀防曬產品除左防曬度要足夠外，質地好重要，唔要笠同有適度遮暇，返工唔化妝都希望修飾到一點瑕疵。兔比本身較偏好有遮暇作用嘅BB base，可以單用或作make up一支兩用，最喜歡係SPF 50度防曬質地都唔厚重。

Categories: ● 抗曬, ● 底霜, ● base, ● BB CREAM, ● lancome, 產品試用