春夏美白再起動！要白就要端正美白！

話咁快又到春夏，每個品牌嘅新美白產品都陸續推出，提醒大家又係時候注意一下美白肌膚啦~ Kanebo Impress IC淨白護理系列都推出全新升級版，以獨家研發成份製成抑制黑色素形成。

為左令大家更認識新升級版Impress IC，Kanebo上星期邀請左一眾blogger出席Kanebo Impress IC 端正．淨白美肌分享會，兔比好榮幸能夠成為其中一位幸運兒，多謝theZtyle同Kanebo~

活動地點兔比已經係第三次踏足，上一次響同一地點出席過RMK Spring Shimmer春夏美妝交流會（前文回顧：RMK魔法筆下的春色無邊），今次再黎感覺份外親切

Kanebo方便一早已經為大家準備好試用嘅Impress IC產品同用具，活動開始前大家可以先進行皮膚分析同享用大會安排嘅小食同飲品

 

活動開始由黎自日本嘅品牌教育主任椎橋慶子小姐介紹產品成份，詳細剖釋Impress IC成份點全方位封鎖黑色素，形成達至淨白肌膚效果，全個過程都有即時翻譯。

黑色素代謝不正常致色斑同膚色不均，而角質層重疊化致肌膚不平同肌理紊亂，Impress IC White正正針對「代謝」同「角質層」兩大肌膚淨白關鍵，從3方面進行淨白修護。

第一方面：升級版加入全新獨家研發美白成份Rhododenol®（白樺木華取精華）及Magnolignan®（白木蓮精華），據椎橋小姐指出白木蓮精華可抑制酪氨酸酶（黑色素合成酵素）成熟，而白樺木華取精華抑制酪氨酸酶活性，從而減少多巴（黑色素前身）形成。由於詳細原理好科學理論，簡單化可以用以下圖片表達。

第二方面：MA萃取精華可令形成及排出之黑色素略復平衡，珊瑚草精華可促進表皮細胞剝落，令新陳化謝正常化。

第三方面：獨家研發成分Mevalonolactone提升細胞膽固醇含量，填補角質層間空隙；同時新加入豆乳發酵精華可提升表層水份流通，水份注滿角質層，令厚硬角質回復正常。

 

沿用Impress IC系列專有「保加利亞白玫瑰香氛精華」，具舒緩療效，輕鬆心情下加強美白成份吸收。大家用嘅時候記得聞真D啦！

一場去到當然唔會齋聽書啦！椎橋小姐仲即場示範用IImpress IC系列整個程序

先為Model用Impress IC Brightening Make Off同Brightening Wash卸妝潔膚，先以Brightening Make Off去除油溶性污垢包括化妝，再以Brightening Wash去除水溶性污垢，肌膚潔淨先可以吸收其他產品。

由於現場無得過水，椎橋小姐只用濕紙巾抹乾淨。

留意潔面產品要打出細密泡泡，而且泡泡要綿同有彈性，先可以深入毛孔將污垢推出，同時減低手指同肌膚摩擦。

馬上就到實習時間，大家都跟著卸妝潔膚，大會一早已經準備好用Brightening Wash打成細密泡泡，直接點上面然後按摩抹走就可以，但無得過水總覺得面上滑潺潺咁．．．

椎橋小姐繼續示範其餘步驟，用化妝綿滲透適量White Lotion，濕透化妝綿又唔會滴出為之OK

然後全面連眼輕抹再輕拍

用手掌溫度加強吸收

之後取適量White Returnergy點於額、面、鼻同下巴輕輕推勻，加強效果要配合按壓動作，最後當然要搽上White Emulsion鎖緊修護養份。

又到大家實習時間，由於兔比肌膚太乾而且潔面後要先睇椎橋小姐示範，過左好一段時間先上White Lotion等產品，整個示範過程覺得個面超繃緊

之後上White Emulsion又捽出擦膠碎（見到其他參加者都有），BA話太用力所以出現咁情況．．．不過返到屋企試又無，可能因為workshop用個時無得過水，未能夠洗乾淨潔面產品。

Kanebo貼心咁安排左化妝品俾大家用

仲有化妝示範，唔怕素顏出街見人

 

特別嗚謝化妝示範既BA，兔比用唔慣liquid liner畫到一團糟（用開Gel eyeliner 

），本來一心諗住問佢拎product卸左算，佢反而好細心咁幫兔比畫返好，麻煩晒！

臨走前每人都收到一份Mini Size Impress IC 淨白護理系列，當中包括Brightening Make Off、Brightening Wash、White Lotion、White Returnergy、White Emulsion同White Cream Returnergy。

Step 1 - Brightening Make Off 

 

HK$220 / 200ml 

每次用3泵，乾手往面上按摩，潔力唔錯，卸到絕大部分彩妝（除左睫毛膏卸唔晒），過水後都唔覺膩。

 

Step 2 - Brightening Wash 

 

HK$190 / 120g 

 

每次用一粒車厘子份量。用手都頗容易起泡，而且泡泡細密幼滑，但對兔比極乾肌膚洗完有點乾，一定要即時上化妝水。

 

Step 3 - White Lotion 

 

HK$450 / 200ml　

 

為分I（保濕型）同II（滋潤型），水狀質地容易被吸收，一抹水潤，即時為肌膚保濕可舒緩到洗完面後繃緊感覺。

 

Step 4 - White Returnergy 

 HK$900 / 40ml

 

乳液狀質地，每次用2泵，輕輕按摩後好快被吸收晒。

 

Step 5 - White Emulsion 

 HK$450 / 125ml　

為分I（保濕型）同II（滋潤型），每次用2泵，觸感輕盈幼滑乳液，吸收後唔會黏黏膩膩。

 

Step 5- White Cream Returnergy 

 HK$720 / 40g 　

每次用2粒珍珠大小，晚間長效修護乳霜，觸感滑溜而且容易吸收，雖然係晚霜但滋潤不留厚重感。

 

由於試用左只係短短4-5日未見到明顯淨白或淡斑效果，不過兔比覺得成個系列性質溫和唔刺激，而且每件產品都好快被吸收，香味好好聞。希望下次同類型試用可以俾我地試長D時間試真效果吧~

 

Categories: ● 美白, ● 淨白護理系列, ● Impress IC, ● kanebo, 產品試用