不是甜美可人兒都愛甜美風。。。久違了的童年回憶（海量圖上篇）

意想不到會獲得theZtyle私邀，前一星期仲同水魚打趣話私邀同兔比無緣，點知開口中，都咪話唔邪！（傻瓜唔好導人迷信！！！）首次參加theZtyle私邀Blogger活動，估唔到竟然唔係Skincare或化妝品牌，而係時尚品牌Juicy Couture崇光銅鑼灣店開幕活動。多謝theZtyle同Juicy Couture~

早幾年認識Juicy Couture只知道佢地出品Accessory，被甜美造型嘅charm所吸引，每一個都手工精緻，連包裝都十分高貴。

印象最深嘅產品係粉紅心心USB匙扣，同甜美路線風馬牛不相及嘅兔比都被迷到，不過當時仍係學生哥，價錢令兔比卻步。

Juicy Couture係來自美國洛杉磯甜美品牌，設計舒適與時尚並重。由 Pamela Skaist-Levy 和 Gela Taylor 於 1997 年所創立，時至今日已成為全球知名品牌，旗下產品涵蓋時袋、手袋、鞋履、內衣、泳裝、香氛、配飾、太陽眼鏡、瑜伽及嬰兒用品。

Juicy Couture為眾多潮流先鋒眼中最大膽破格、趣味盎然時尚生活品牌。從著手打造品牌經典運動套裝，至躍身為瘋魔全球休閒奢華風格代表，品牌將妙想天開、自信、嫵媚又帶點偏鋒態度帶到其設計上，綻放光芒。

上周末就同一行幾十個Blogger去崇光銅鑼灣店出席Juicy Couture新店開幕派對，熱鬧得不得了

見到好多熟悉面孔，有水魚、花花、小黑Mi、卡文、扒扒、華華、芭比等等，難得咁齊人。一班自成一“腳”嘅Blog友們

Juicy Couture向來走甜美女孩、充滿趣味路線，而今次崇光銅鑼灣新店風格繼續以現代童話為設計靈感，除了沿用粉紅色主調外，將色彩鮮豔糖果佈滿每個角落；油畫擺設同人像擺設，增添古典英倫感，奢華中又透著趣味幽默風格。 


現場有Model示範穿搭Juicy Couture服飾，Model跟品牌一樣甜美，而且身材好著得好好睇。現場閃光燈不斷，十足game show D龍友

接住由Juicy Couture代表介紹品牌同產品。手袋款式除左甜美風格仲照顧到一眾跟品牌成長嘅粉絲們，有較為成熟嘅款式，質料選擇多元化。

Tracksuit係Juicy Couture最具代表性產品，粉紅色更加為品牌Signature~ 不論帶點嘅貴氣Velour質料或係踏實嘅毛巾質料，都柔軟舒服而且款式容易配搭。

 

 

要數Juicy Couture代表作一定唔少得accessory，而charm更加係粉絲必買之選，自由配搭Charm Bracelet或扣手袋都咁sharp。

造型多多有甜甜圈、Cupcake同Froyo等等，件件都甜美非常，手工極之細緻，好似哩款朱古力盒造型charm盒蓋細細竟然可以打開~

兔比好喜愛哩款波板糖包裝嘅底底，好sweet呀！送俾人都絕唔失禮~

離場前每人都獲派粉紅心心氫氣球同紀念品，之後大隊去崇光百貨後面街。Juicy Couture請大家食粉紅軟雪糕。拎住氣球食住雪糕，細聽住雪糕車音樂，感覺好似重拾童真~回想起黎兔比真係好耐無食過雪糕車軟雪糕最可惜係好好嘅一場活動因天雨關係搞到大家都好狼狽

Juicy Couture特別為是次開幕活動訂造左哩架佈滿Juicy Couture字樣雪糕車，由3月19日至3月27日，連續兩個星期六、日，早上11時至下午3時，都會響銅鑼灣崇光百貨附近向途人免費派發粉紅色軟雪糕（每日派發數量有限，派完即止），四圍散播歡樂氣氛，將品牌充滿創意趣味形象表現得淋漓盡致。

唔知請大家食雪糕咁簡單，粉絲們於3月31日或之前，將同Juicy Couture雪糕車合照上載到Imaginex Facebook，就有機會嬴取港幣$2,000現金禮券！
記得認住哩架雪糕車啦！

 

至於Juicy Couture送左份咩紀念品俾各參加者，請大家留意下回分曉！

To be continue... 

Categories: ● 時尚, ● 時裝, ● 崇光, ● Juicy Couture, ● SOGO, 活動分享