洗顏保濕都有專科？！（下篇）

上回講到兔比出席左「洗顏專科」白繭泡沫大揭祕活動（前文回顧：洗顏保濕都有專科？！（上篇）），獲贈一套「洗顏專科」同「保濕專科」返去慢慢試，包括皇牌產品Perfect Whip（超豐盈潔面泡沫）、Perfect Oil（深層潔淨卸妝油）、Perfect Gel（溫和清爽卸妝啫喱）、Perfect Puff（高效柔潤卸妝棉）同「保濕專科」滋潤型。

「洗顏專科」全員

Perfect Whip（超豐盈潔面泡沫）

擠出約2cm於掌心加水搓至起泡，唔用任何起泡工具都可以輕易搓出豐厚細密泡泡，起初兔比唔慣用泡泡潔面起泡唔多，原來要落多水先OK，建議睇睇代言人宮崎葵親身示範點搓出濃密潔面泡泡

往全面輕輕按摩，感覺好輕柔舒服，過水後乾乾淨淨，又不會覺得繃緊，讚！

不過兔比係死懶鬼，每次要費時起泡真係有點煩，如果可以一擠出黎就係泡泡就好啦！

Perfect Oil（深層潔淨卸妝油）

泵裝方便使用，建議每次泵4下約2ml份量，每次用完用返個附設個膠圈頂住個泵頭，以防唔小心泵到周圍係

透明卸妝油，質地好薄身好易推開，同其他品牌出品一樣乾手用，全面推勻後，加少少水稍稍乳化先用水沖乾淨

卸除左絕大部分彩妝，gel eyeliner同mascara都卸去九成，不過就去除唔晒微細閃粉粒子，建議再重複用產品卸多次。少少入左眼都唔會令眼仔覺得唔舒服，就算未用潔面產品洗多次都唔會覺得油同笠，當然good practice係洗多次啦！

簡介話微細粒子可深入手孔，連黑頭粉刺都可以帶走，但個人覺得不至於深層潔淨，黑頭粉刺都差唔多

Perfect Gel（溫和清爽卸妝啫喱）

乳白凝膠狀，乾濕手都用得，比Perfect Oil更方便。擠一粒車厘子份量到掌心再點響臉頰、鼻、額頭同下巴位，然後打圈推勻全面，喱啫配方同皮膚上化妝品混合後將化妝品包圍，2 way使用可用面紙抹走或用水洗走。

潔力明顯比Perfect Oil弱，卸去八成gel liner同mascara，同樣去除唔到微細閃粉粒子，而且用面紙抹走之後都有點黏笠，始終都係水洗比較好，優點係感覺比卸妝油溫和，如果卸淡妝可以考慮，濃妝用返卸妝油吧~

Perfect Puff（高效柔潤卸妝棉）

包裝細細可以袋響手袋，隨時可以用。三層構造，底面柔軟棉層，中層滲透卸妝液，卸妝液份量唔會過多，取出個時無滴漏。

質地厚身唔會抹兩抹就爛，擦上肌膚觸感舒適

雖然方便但潔力不足，用勻底面抹都唔能夠完全卸晒個淡妝（只係上左粉膏同胭脂），用卸妝水抹仍然可以抹到污糟野，一包得8張恐怕要完全卸妝兩次就用晒。

「洗顏專科」響日本仲有Perfect Milk同Perfect Liquid，對Perfect Liquid比較有興趣，唔知幾時香港先有呢？

「保濕專科」化妝水

今次試用係粉紅色蓋滋潤型

透明厚杰身液狀，密度好高

連牛爾老師都推，賣點係一支具備化妝水、精華及面霜功效，換言之可以省節搽精華同面霜

雖然建議用法係用化妝棉上，不過兔比用手當面霜咁搽上面按摩，之後再輕拍至吸收，即時覺得水潤不過吸收時間比較長．．．但完全吸收後唔會笠

連續一星期早晚用佢，朝早搽完佢就直接搽Base出門，晚搽完再薄薄加一層Night cream，無搽B5都唔會覺得乾，不過最近天氣唔太乾燥，如果太乾可能唔夠潤要加面霜，春夏黎講都夠。

「洗顏專科」同「保濕專科」都屬平價開架產品，屈臣氏萬寧已經上架，大家都不妨一試！兔比個人推介Perfect Whip，卸妝品反而感覺一般，對濃妝黎講潔力似乎有點不足。

Categories: ● 保濕專科, ● 洗顏專科, ● 宮崎葵, ● 開架, ● 潔面泡, ● Perfect Whip, ● SHISEIDO, 產品試用