您變左．．．變得一“身”二用

變左嘅咪就係佢囉．．．

就係震住潔面嘅Neutrogena Wave Duo，上一代推出左好一段時間，今次再推出全新2 Speed設計，Speed 1溫和微震適合日日清潔按摩；全新加入Speed 2急速快震，10 倍深層清潔，搭配使用抗黑頭潔顔棉(Blackhead Eliminating Pads)，連根震走頑固黑頭。

一盒除左電動潔膚儀仲附有電池同一包升級版深層潔淨棉（14片）。

用一粒筆芯電就OK，揾電換都好方便，兔比用開rechargeable battery省錢之餘仲夠晒環保~

潔膚綿藍色毛絨面可見已經滲透左潔膚液，反轉係白色布面。

Step 1: 使用都好簡易，取一片潔膚綿毛絨面向上貼於潔膚儀頂部白色平面，好似魔術貼咁潔膚綿會被緊緊黐住。

Step 2: 按Power開著潔膚儀，放響流水下整濕（切記唔好開大水咁沖！否則潔膚液都被沖得一乾二淨）

Step 3: 可以響面上震住咁按摩啦！（要避開眼周喔！）

係咪咁work即刻做下測試就一清二楚！

測試一：潔淨度

先響手背上畫上Liquid eyeliner、mascara同唇膏

用Neutrogena Wave輕輕打圈按摩，彩妝品已經溶晒，用水沖沖已經乾乾淨淨。

睇下D彩妝品都甩晒落潔膚綿啦！出乎意料連頑強嘅Liquid eyeliner都甩晒，不留痕跡，潔力不容置疑！

測試二：淨白度

第一次使用前後對比（抱歉！燈光唔太相同），似乎唔太覺白左，不過睇落光澤左就真~

測試三：抗黑頭

黑頭多數集中響額頭，用左一星期（每日用一次）都唔覺有明顯改善，可能正值生理期其中兩粒仲要爆

註：簡介指搭配全上市抗黑產品簡介頭潔顔棉可以去除頑固黑頭，不過今次試用只配合跟機嘅深層潔淨棉。

總評

起初冇咩泡，後來會愈黎愈多，但泡量都係屬於比較少並唔綿細豐盈。微震按摩的確好舒服，感覺似幫肌膚鬆一鬆，就算痘痘位置都無唔舒服~

洗完肌膚變即滑而且感覺好清爽，潔膚液當中應該加入左薄荷之類成分，但真係對眼睛好刺激性，流左入眼就完全睜唔開，要馬上沖水另外，對兔比嘅混合性偏亁皮膚用完有D繃緊。

Neutrogena Wave需要配合專用潔膚棉，每次用一片就掉似乎唔太化算，一包refill裝30片話咁快KO，而且感覺都唔太環保吧~ 

試完電動潔膚儀，兔比身痕又想試下超聲波潔面儀，買唔買好呢？

Categories: ● 電動潔膚, ● 潔面, ● 潔膚儀, ● Neutrogena, ● Neutrogena Wave Duo, 產品試用