發表文章
近年唔少品牌都將幹細胞科技應用響產品之中，到底幹細胞係咩東東？
幹細胞是存在於我們身體內的原始細胞，具有細胞分裂及分化為其他細胞之特性。多方面科學研究已証實幹細胞應用價值，包括幫助修補傷口、減少黑色素的形成、增加製造骨膠原以達至美白和更幼嫩的肌膚。
(資料來源：香港幹細胞學會)
有指幹細胞修護未來會係護膚領域核心部分，大家拭目以待吧~
原來Lancôme早響2009年推出抗老化產品Absolue Precious Cells極緻完美細胞修護系列，就係源於品牌進階研究部門研究幹細胞廿多年成果，係全球第一款藉由身體細胞作用，幫助肌膚獲得內在新生潛力護膚品。作為品牌護膚產品系列中皇牌之一，Absolue Precious Cells系列一直深受歡迎。
夏日最大護膚課題都離唔開美白，近日兔比就試用左今個月新鮮滾熱辣推出Lancôme Absolue Precious Cells White - Brightness Revealing and Regenerating Cream (極緻完美細胞修護美白面霜) 。
Lancôme Absolue Precious Cells White以首創幹細胞發現配合最先進美白科技，特別針對亞洲女士需要而設。含有Vitamin CG及Pro-Xylane™.重建細胞外基底，達至肌膚再生功效。配合鞣花酸成分，具鎮靜及抗氧化功效，加上韓信草精華複合物能調節黑色素細胞周邊環境，從而控制色素增生。
產品Made in Japan，連包裝都睇得出矜貴非常，盒入面仲貼心地附有小匙取用產品。
之前兔比都唔理就咁手指去沾取產品，不過聽完水魚講用手指沾護膚品，細菌含量比廁所板仲多，兔比就怕怕啦
乖乖用返小匙避免直接接觸污染成罌護膚品
乳霜質地滋潤得黎並唔厚重，春夏天搽都唔會覺得油膩同笠黐黐，晚用兔比會搽厚D，就算成晚開住冷氣訓第朝皮膚都保持飽滿唔乾~
早晚連續用左一星期，自己唔覺有白到，而且兔比每日返工都被猛烈陽光曬足大半日（雖然有密密補搽防曬．．．），但睇返相又真係見到有透白左！
Before好似有層灰搽左上面咁暗啞．．．價錢$1800 / 49g可能令唔少人卻步，但一分一分貨，效果的確有目共睹！
產品評價 (滿分為5粒★)：
滋潤度：★★★★（保持肌膚響冷氣成晚唔乾）
淨白度：★★★★★（一星期就見效）
清爽度：★★★（乳霜黎講算爽啦~）
溫和度：★★★★★（冇任何敏感刺激反應）
價錢：★（真係貴左D．．．）
感謝Fashion & Beauty提供今次如此專貴嘅產品試用~ 另外要特別嗚謝Jessie將產品親身送到兔比手上，大感謝您幫忙喔！
0 留言:
張貼留言