獻出寫blog以來第一滴血？！ 非一般皮膚分析

早前收到邀請到SKINIC體驗一個分析服務，

咪以為只係大家經常做個類皮膚分析，今次好特別！

特別在需要血一滴！

兔比初初聽到個時都打左個突

，上Beauty center被人抽滴血咁即係分析咩？

嘻嘻，賣個關子先~XD 睇落去您就知

正所謂「有之於內、形之於外」，

要皮膚靚由根本入手改善體內細胞機能負荷及循環以達至平衡。

色斑、敏感、脫皮、暗啞、枯黃、黑眼圈、暗瘡、粗糙同皺紋，

統統都同細胞機能息息相關。 

 

SKINIC提倡內外平衡理學，提供高度認證醫學營養美容帶來養生活肌方案。

外在透過激光療程啟動肌底纖維母細胞；

內在透過NCRC(Nutri-Cell Renewal Chain)營養細胞改造科技，

改善肌膚老化痕跡同問題，以4個步驟揪出導致肌膚問題元兇。

了解Understanding ＞ 分析Analysis ＞ 補充Supplement ＞ 復審Review

了解Understanding 

了解目前同過去的個人健康狀況，以便加強或改變飲食習慣或生活模式， 以達到健康目標。 

分析Analysis 

進行超高解像活血分析 -利用一滴血，配合光學顯微鏡將血液放大至16,000倍，經由活細胞形態、血液中內含物質及自由基破壞情況，反映健康狀態，並依此觀察可能引發問題如皮膚暗啞、失眠、未老先衰、經常性頭痛、皮膚敏感等，在疾病未形成前提供可預防方法。 

補充Supplement 

生理營養醫學顧問按照分析結果提供顧客所需營養補充劑組合。

復審Review

完成整個營養補充劑組合療程後可再進行一次分析，評估進展情況。

前日兔比就去左位於銅鑼灣嘅SKINIC體驗NCRC，地方唔算大不過環境整齊乾淨，裝潢感覺時尚~

接待員態度親切，先安排兔比坐低填填個人資料

馬上就奉上一杯杞子菊蜜同有關NCRC資料。

稍等左一陣Customer Service Officer Pat Mak就向兔比介紹一下SKINIC同今次體驗，初步了解之後Pat帶兔比去見生理營養醫學顧問Edmond Pang。

Edmond先幫兔比手指頭消毒準備落針，兔比心中有點怯，好在Edmond手起針落，感覺只係似被橡筋彈一下。

馬上用玻片沾取傷口滲出嘅血，然後將玻片放響顯微鏡下，馬上就見到血入面嘅細胞同物質，而且細胞仲有輕微活動。

鏡頭下嘅一滴血放到好大，大到成個Screen都睇唔晒~ Lady & Gentleman獻醜了，兔比滴血真身黎啦！

一個個圓圈係紅血球，作用係經血液輸送氧氣營養同代謝廢物，從圖片可見紅血球好多聚埋一堆，換言之紅血球面表積比正常健康血液中少，令輸送養份同送走廢物效能大大降低。

 

中間一大個光環，係咪幾靚？可惜佢唔係好野，係重金屬。

 

見到好多隱約嘅網紋代表肝功能弱。

白色點點係霉菌，大概係吸收過多糖同澱粉質。

Edmond一邊睇一邊問好多生活習慣問題同身體平日有無一D特別不正常狀況，從而分析咩原因引致偏離正常血液情況。

分析結果係兔比肝功能比較差

，即係解毒能力弱，而且自身帶氧能力不足，導致成日都好疲倦

 

Edmond建議兔比服食4款營養補充劑包括抗氧化、增加益生菌同去除霉菌作用。今次體驗並唔包括補充劑，但可以以75折優惠購買，每種價格都不同，由$200-$500不等，服用完會再進行分析評估進展。Pat指營養補充劑作用係改善體質，回復健康狀態之後靠自身維持，而唔係長期依賴。

 

4款營養補充劑折實合共千幾蚊左右（實價唔記得左

），Pat告知價錢同服用方法，由兔比自行考慮並無hardsell，兔比表示唔買住要考慮一下，佢態度依然好友善。

 

除左提供咁特別嘅分析服務，SKINIC仲額外送一次激光療程，即時預約定下個月去試試~

最後，Pat先幫兔比潔面去照皮膚，建議有咩合適療程。Pat真係超友善好傾，雖然佢表示年齡上可以做得兔比媽媽，但完全無generation gap，提供唔少多護膚意見。

臨走前仲幫兔比搽返Skincare，另外加送左一set Olecule體驗裝（相關前文：SOS！孖寶兄弟拯救乾燥肌），Pat特意將B5 Moist換成兔比未曾試用過Soothing Moist，超貼心呢~

 

SKINIC下月將會於尖沙咀開設分店，方便一眾九龍人。如果想了解多D，可以click入http://www.skinic.com.hk/

 

兔比都相信「有之於內、形之於外」，之前未曾聽過有beauty center提供同類服務，哩個概念真係好破格。正考慮下次療程掏腰包配埋營養補充劑試試，期待下月再到SKINIC進行療程~

Categories: ● NCRC, ● NutriCell Renewal Chain, ● skinic, 愛美體驗