夏日肌膚三大害 So what?!

夏日炎炎對肌膚可謂危機處處，想保持美肌就要認清肌膚宿敵同選用合適產品！

日前兔比出席左she.com X SOFINA完美夏日護理工作坊，正好提醒兔比更倍注意夏日護理，地點係KAO HEALTH & BEAUTY CENTER，用具齊全而且地方好寬敞。

開始前先潔面，估唔到workshop入面都可以有水洗臉（通常都係只提供濕紙巾抹抹，感覺都仲黏黏地．．．）

先用卸妝油再用活氧碳酸潔面泡沫潔面，泡沫好豐厚綿密，一按有泡可以直接搽上面，敷一分鐘洗走，洗得乾淨清爽肌膚又唔會繃緊。

現場有多位BA幫大家做皮膚分析，睇睇膚色均勻度、肌紋及毛孔指數。

檯上放上一系列護膚產品，可以隨便試用

剛剛洗過面係時間補補水，簡簡單單將Lotion濕滿化妝棉，然後將化妝棉遂層撕開敷上面5分鐘作Lotion Mask，肌膚即時變得飽滿水嫩。

正式開始啦！由日本遠道而來嘅関根小姐同大家分享夏日護膚之道，雖然関根小姐只能講日語，但有主持人即時傳譯大家都無左語言阻隔。

汗、冷氣同紫外線乃夏日肌膚3大敵人是也！

－ 汗
汗水會奪去滋潤成分，而且令細胞發脹（情況好似大家沖完涼會皺皮），肌膚容易受外間刺激同因摩擦受傷，同時容易滋生細菌。

関根小姐提醒大家唔好擦拭汗水或用力按壓，應該用紙巾輕印吸走。另外，成身汗個時千祈唔好直接靠近冷氣風，以免蒸發肌膚原有水份。

－ 冷氣
最適溫度為23C，最適濕度為50-60%。冷氣可致免疫力下降、腫脹、肩頸緊繃及酸痛、難以去除疲勞。

建議減低冷氣風量同風速，提高室內濕度，每日可以透過護理程序促進血液循環。唔講可能都未必知原來食物都有分降溫同升溫兩類，可因應身處環境選擇食咩。

－ 紫外線
UVA及UVB可引致色斑同促進肌膚老化，當中UVA波長較長容易穿透玻璃，所以無論響室內室外都一定要防曬。

之後関根小姐為大家講解點用SOFINA產品去做日常護膚程序，首先當然係潔面，取適當份量潔面乳搓起豐富泡沬，由油脂最旺盛嘅T-zone開始洗，注意唔好過份用力（特別係乾燥位置），然後用溫水徹底洗乾淨。

接落黎程序関根小姐講解同時由model示範，先將Lotion倒於掌心，先搽響臉頰然後額頭、鼻同眼周，然後用雙手輕輕按壓加強吸收，肌膚較乾位置如（臉頰及嘴角）建議再重覆搽上同按壓。

搽上全效淨白精華素對抗色素，先點上臉頰推開，然後到其他位置連眼周都可以搽，同樣用雙手輕輕按壓加強吸收喔~

斑斑位置再輕輕打圈搽上淨白重點去斑筆，連暗瘡印都可以用。

最後全面連眼周搽上美白抗老化防曬液就完成！

之後大家都響BA協助下按先前示範實習，難得機會可以親身將產品一一試上面~

當中SPF 50+護膚乳液係兔比心水推介，搽完肌膚滑溜而且不油不笠。

為左令大家更了解產品，品牌代表進一步講解產品特點，答問遊戲仲送出限量版禮物，不過舉手搶答兔比反應實在太慢

「美白+抗老化」防曬SPF 50+護膚乳液一支5合1，兼具防曬、美白、抗老化、保濕及化妝底霜功能，用一般潔膚產品就可以卸除，超方便！

採用專利O/W/O 乳化技術，將防曬粉粒同水份完全混合平均分佈，有別一般W/O 乳化技術，防曬粉粒同水份唔能夠完全混合，當水份蒸發走就會留有未受防曬粉粒保護嘅範圍，以致部分紫外線可以穿透。

含高純度Rosemary耐氧化劑，提升促使肌膚老化嘅活性氧消除能力，有助延緩衰老；肌膚原有滋潤成分「細胞間脂質S」，保持肌膚保水力；其他天然成分仲有美白精華「洋甘菊ET」同「肌芯護理成分」尢加利精華、生薑精華同柚子精華。

即場做左個測試，將防曬乳液加入清水中，兩者唔可以混合，見到乳液變成一粒粒向下沉，可見防水度高。

另外仲特別介紹新品T-zone零毛孔控油慕絲，含「雙重SUPER皮脂吸收粉體」抑制及鎖住過剩皮脂，保持肌膚清爽，持久6小時。配合「隱形毛孔粉體」反射光線，令毛孔變得唔顯眼。

一大早去workshop，下晝大家都會去街街，関根小姐示範化一個貼服自然底妝，然後大家都可以跟住化。

如果嫌只得底妝太素，可以移玉步去另一房間用SOFINA彩妝品扮完靚靚先走，安排好貼心呢~

工作坊內容充實，包括護膚到底妝都講解清晰，實習環節有足夠時間，而且有BA主動提供協助，場地又坐得舒服唔擠逼，係一次令人非常滿意嘅工作坊體驗。

最後每人都收到SOFINA送出嘅厚禮，有SOFINA jenne Oil Control Mousse、SOFINA beaute Makeup Cleansing Oil、SOFINA beaute Whitening Day Protector Moist sp同SOFINA beaute Lotion I，稍後試完再匯報！

Categories: ● 防曬, ● 美白, ● beaute, ● jenne, ● Sofina, 活動分享