發表文章
前文回顧：捉緊年輕。。。膠原向外求不如靠自生
之前都提到兔比收到邀請體驗reenex高效膠原自生系統合共4個不同療程包括：
- CPS更生活膚療程
- 冷凍光膠原自生療程
- HGF 激活細胞增生療程
- TRF膠原強效緊緻療程
Confirm冇幾耐就收到reenex治療師Queenswood安排預約，本來近期緊忙時間booking都已填得密密麻麻，好彩岩岩有客人取消booking，Queenswood特意問兔比可否fit到，如果唔係又有排等啦~
日前兔比就到開幕冇耐嘅iSQUARE接受第一次reenex高效膠原自生系統體驗，地點非常就腳而且環境相當雅緻。
一出升降機就係reception，check-in後接待員先帶兔比到大堂隨便坐低稍候，問一下需唔需要咩飲野，冇幾耐就捧上暖暖嘅飲品同一份個人資料表格。
大堂非常寬敞，燈黃柔和，令人感覺都relax。等候治療師期間可以睇一下雜誌或者上網，而centre有免費wifi提供。
事前兔比從小冊子已經知道哩間center有無敵大露台，哩個亦係兔比揀選iSQUARE體驗嘅主因，望出去景觀無遮無擋，唔影相都對自己唔住。
雖然之前都接受過CPS更生活膚療程，但程序上治療師Queenswood都要為兔比介紹將會接受嘅療程同解釋療程同意書內容。跟Queenswood初次見面，佢為人好nice而且絕對專業。兔比之前做CPS都轉過三個治療師，Queenswood係最friendly同健講嘅一位，唔只呆板咁講解療程，仲就兔比個人護膚習慣解答左好多有關肌膚嘅問題，成個consultation好個人化，而且講解都易於令人明白，值得一讚！
全個reenex高效膠原自生系統順序分別係更生、增生同緊緻，更生係針對表皮層，增生同緊緻就係針對較深層嘅真表層。
CPS更生活膚療程作為reenex高效膠原自生系統第一步，利用由甘蔗提煉而成 CPS 水基酸，有效溶解肌膚老化角質層，促進新陳代謝，令肌膚回復28日更生週期；並豐厚活性表皮層，提升保濕鎖水力，令肌膚回復水油平衡的健康狀態。
配合獨有專利緩和因子，能調和水基酸的滲透速度，令療程溫和不刺激，敏感肌膚亦適用。功效包括改善暗啞、粗糙、油光、暗瘡、缺水、色斑。
當您發現搽護膚品唔吸收嘅時候，可能因為肌膚更生週期比正常28日長，令老化角質層太厚好似保鮮紙咁將肌膚包住，以致搽咩都吸收唔到。去除左多餘角質除左吸收會好好多，仲可以令粉刺等污垢隨老化角質褪走，改善到肌膚暗啞同粗糙情況。
進行療程之前Queenswood先幫兔比進行皮膚分析，比較一下頸下靚嘅皮膚同面部分別就知道肌膚健康狀況。
療程房好整齊乾淨，係咪好診所feel呢？有locker可以鎖好個物品，合埋眼都絕對放心。張床訓得好舒服，調較好頭枕位置就開始療程啦！
先卸妝潔面及抹上準備液，然後全面掃上水基酸停留面上3分鐘，感覺到輕微拮拮地乃屬正常反應，肌膚愈弱嘅地方反應愈強，如果情況過激治療師會根據情況縮短時間。
全面停留期間，Queenswood會用掃響角質層較厚嘅地方來回咁擦，一來可以補上水基酸，二來捽走角質層。3分鐘後全面逐步噴上中和液共兩次，拮拮地嘅感覺都會隨之消失，Queenswood再問清楚有冇咩位仲覺得拮拮地會再噴中和液。
Queenswood馬上為兔比舖上濕紗布，然後用風扇仔吹風作即時舒緩。
接住係肌膚吸收養份嘅黃金時間，馬上搽上B5精華液打底然後搽上水份mask，T-zone同下巴搽上clay mask，靜待皮膚吸收。Queenswood貼心咁調暗燈光等兔比休息一下，可惜房間隔音似乎唔太足夠，聽到鐘聲、腳步聲同人聲未能好好休息。
15 mins後抹走面膜，搽上面霜眼霜同防曬就OK！溶解左老化質層即時見得到全面白淨左，而且無發紅，敷完mask肌膚仲變得水噹噹~
頭髮亂晒可以去化妝間整理一下先走，有風筒、梳、噴水壺、spray提供。
出到大堂Queenswood已經響reception等，簽過單同預約定下次療程時間後，Queenswood俾左一本小冊子同舒緩膏兔比，再三叮囑之後連續兩日要敷水份mask，有咩都可以打返center搵佢，翌日佢都有主動打黎問一下肌膚狀況。
額外收獲有一個手袋掛鈎， 只要客人like reenex Facebook Fanpage，然後show俾治療師睇就可以獲贈一個（款式係抽籤），當然係送完即止啦！
之後兩日都有聽話乖乖敷水份mask，要造出健康新細胞都要提供皮膚足夠營養，療程後兩日都係特別吸收嘅時間，搽精華都較之前吸收，額頭上面暗粒減少左，黑頭粉刺都浮左上面層，不過Queenswood話唔好用手擠，過幾日用clay mask將佢地吸走就可以。
對於CPS更生活膚療程兔比絕對係真心推介，如果您都有興趣試試，只要6月30日前click入http://www.reenex.com.hk/edm/201105/RBLOG0511J/form.aspx?ref=RBLOG0511G登記就可以免費體驗「膠原自生」基礎療程 – CPS更生活膚療程一次，完成後仲送您Bioderma卸妝水100ml，試過滿意仲有療程優惠，心郁郁嘅您都去試下啦~
兩星期後會再去reenex一次過接受冷凍光膠原自生療程同HGF 激活細胞增生療程，稍後繼續同大家分享兔比嘅膠原自生體驗，記得留意啦！
To be continue...
0 留言:
張貼留言