發表文章
話咁快已經成為blogger一年，blogger life令兔比嘅平凡生活加左好多色彩，短短一年兔比試用左唔少product同體驗，又參加過唔少精采活動，好希望可以繼續落去
好感謝俾機會兔比試好多新鮮野嘅theZtyle、she.com、HKCOSME、F&B同Beautyexchange，仲有各大品牌PR
仲記得第一次以beauty blogger身份試用產品係H2O+ Collagen 8000，多謝theZtyle俾試用機會當時初寫blog嘅兔比，冇theZtyle兔比唔會開始寫blog~（
第一次收到HKCOSME私邀試用benefit bella bamba同試玩3D game，當時幾乎冇發過妝文嘅兔比真係好surprise！感謝HKCOSME對兔比嘅支持！（
獲參與TaDa!主題禮盒免費體驗活動，第一個可以自由選擇嘅試用活動，去左阿茂整餅又食又玩，不亦樂乎（
又參與左唔少精采難忘活動：
第一次以beauty blogger身份出席活動係BE x Origins，感覺好與別不同，多謝BE俾機會兔比踏出一大步！當然內向嘅兔比唔敢同其他blogger打招呼
（
意外地獲she.com私邀出席「 Kiehl's高效順滑護髮」活動，同當時第二次見面嘅水魚雞啄唔斷，之後多次響唔同活動見面，水魚成為兔比第一個blog中認識嘅好友~（連頭髮都要遠離化學成份？糊哩糊塗SET頭記）
前文回顧：
第一次有份參與HKCOSME活動，同著名化妝師Rick Chin見面，並試用佢自家品牌everybody labo產品，心情興奮！相約左當時未曾過面嘅Ah bee一齊去，兔比第一次約blog友仔去活動~（前文回顧：Rick Chin用心打造的本地良心品牌。。。亞馬遜尋找護膚力量）
第一次出席比較大型嘅event，估唔到she.com會邀請兔比哩寂寂無名嘅blogger參與，機會難得一口就應承馬上遞假紙~第一次見咁多熟悉嘅blogger，認識左華華同lazybone（前文回顧：肌齡再沒意義？！抗老大作戰從今開始）
不擅寫妝文嘅兔比有幸成為十位其中之一獲theZtyle抽中到Anna Sui享受夢幻體驗，由品牌代表介紹聖誕新品，可以響專門店自由影相仲有聖誕大禮收，興奮得成晚向兔比佬Bi Li Ba La~（前文回顧：ANNA SUI聖誕驚喜。。。每個女生都響往的夢幻體驗）
終於俾兔比恨到第一次出席theZtyle私邀係參與Juice Couture Opening，開心到不得了！當日全場大部分blogger都已經認識，好喜歡大家聚一齊嘅感覺，認識左花花同小黑咪~（前文回顧：不是甜美可人兒都愛甜美風。。。久違了的童年回憶（海量圖上篇））
第一次獲PR邀請出席大型Blogger event，令兔比期待左好耐嘅「屈臣氏醫學美肌品牌聚餐」，係首次去一個集多個品牌嘅活動，屈臣氏送左大家超厚禮呢！（前文回顧：您對我咁好。。。我有乜辦法唔愛上您？）
拉水魚衫尾去F&B活動，一針一針做DIY頭飾，先係新鮮感之後係怠倦感，不過好開心有份去玩下（前文回顧：水魚披嫁衣裳。。。兔比送上嘔心瀝血之作）
仲有好多好多不能逐一細數．．．
得到嘅唔只一個又一個試用產品，最令兔比開心係有大家支持，當中不乏一班經常撐場嘅朋友，同佢地全部之前都係素未謀面：
網路認識嘅：
芭比小妹、Christine、~snow、angel、冰、Opehlia小媛、magmag、PatPat、鼠鼠、日一卜、cherry、TingTing、mwnl、技安小姐
活動認識嘅：
水魚、花花、小黑咪、ballet tata、華華、Ah bee、lazybone、冰、Mika、chloe、+yiu、koeybabe、千千、bubu_irene、Ruby、芝芝、Fiona、卡文
仲有好多好多個您您您，真心多謝您地！冇您地就冇宜家寫blog嘅哩團火！如果唔係成為blogger都唔會同大家認識，絕對係一種緣份吧~
應承您兔比會繼續努力忠實分享，寫自己所真正感受過嘅，希望您會喜歡！未來想多寫自發文，但願真係可以抽到時間啦！
0 留言:
張貼留言