為了靚靚再去睇醫生！血就係肌膚補品？！（怕血者慎入！）

繼上回為了靚靚再去睇醫生！兔比的細胞再生解碼之旅，兔比去完Evvus見醫生，預約左諮詢後第三日就進行ACR細胞再生療程

上次Marketing同事Stephanie已經講解左ACR細胞再生療程大致流程：

1. 先由客人身上抽出大約8cc血液

2. 將血液用離心機分離出紅血球同血清

3. 抽取含有豐富生長因子嘅血清用微針注入皮層0.2mm

當日報到後接待員安排兔比到大堂坐低稍候，不過冇任何人主動奉上茶水，今次似乎招呼不夠周到。

等候時間兔比又拎相機出黎自娛一番，不亦樂乎~ 球狀擺設上嘅小草皮原來係真！室內都養到，應該好粗生吧~

另外有wifi提供，隨時可以手機上網

冇幾耐Registered Nurse Natalie接兔比入療程房

先以卸妝水抹一次面

接住用cleaning milk徹底潔面

Natalie了解過之前兔比都曾經試做Accolade激光去斑療程（前文回顧：為了靚靚就要去睇醫生！(第三章終極篇)），並無對藥物敏感先幫兔比搽上麻醉膏。同其他療程一樣，Natalie講解一下療程同意書內容，冇問題簽名就可以繼續。

由於麻醉膏需要15分鐘左右時間起效，Natalie特別調暗燈光，等兔比可以稍稍休息，都幾貼心~ 成塊面漸漸開始有麻痺同拉緊感覺。

之後係最痛嘅抽血時間，Natalie先揾出兔比手臂上血管位置，消毒然後落針，可惜佢話兔比血管太幼抽唔到，要由Dr.親自抽血，嗚．．．白白拮左一針過左陣Dr.入黎幫兔比抽血，今次終於成功啦！馬上將血液注入另一容量準備送往離心機分離，即時響容量上面寫名，確保唔會搞錯。

血液會送去另一間房，以離心機分離含有生長因子嘅血清以及紅血球，然後只抽取上層嘅血清放入微針導入機（紅血球密度較高會沉底）。

注射前先作全面消毒

正式開始導入！Dr.負責注射，身旁Assistant負責抹走流出嘅血清。注射範圍包括全面連眼周，先由腮邊做起，Dr.會問清楚接唔接受到先繼續，而Dr.亦先告知將注射皮膚比較薄嘅位置，感覺會特別強烈，例如眼周、額頭同下巴。

注射之後要稍稍等珍貴嘅血清精華滲透，之後Assistant只會用棉花捧抹走血點，然後直接搽上面霜就完成。面上仍有一D小紅點，少少血漬同結晶粉粒，兔比恨不得馬上柄埋自己．．．

當晚紅點已經減退左好多

Dr.表示療程之後皮膚較乾屬正常反應，當晚唔好洗頭避免傷口感染，之後三日只搽提供嘅保濕cream等皮膚好好休息，仲要切記要搽最少SPF 30防曬產品~ 另外療程之後兩星期都唔可以做其他療程，本來book左reenex TRF膠原強效緊緻療程都被逼要延期，乖乖聽Dr.話~

第二個工作日估唔到由Dr.親自打黎跟進情況，醫生一站式跟進絕對令人放心！

療程後第四日點點退得八八九九，皮膚光澤感提升，毛孔收細左，不過比較乾，油脂分泌多左。終於可以開始用返自己平日嘅skincare啦~

大家應該好想知到底痛唔痛吧？

感覺其實好因人而異，有人話激光打斑痛D，但兔比就唔認同。雖然已麻醉而且支針好幼，但兔比仍感覺到有野拮自己，情況如同牙醫拔牙，兔比諗內心嘅恐懼令自己感覺到痛，因為知道有針正拮勻全面，不禁超緊張！眼位反而感覺唔大， 最難受係額頭位置，由於冇咩肉所以每一下都好似頂到硬野。成個注射過程絕對唔會係一種享受不過頂得住，何況做左一次已見效果，想皮膚靚都要豁出去！

睇完分享如果您都想了解多D細胞抗老之法，同免費諮詢醫生專業意見，可以click入http://www.evvus.com.hk/edm/201106/CBLOG0611A/Form.aspx?ref=CBEBG0711B登記，仲送您療程現金劵同有機會額外得Starbucks $25現金劵

今次分享好似長篇左．．．希望大家唔會嫌兔比長氣啦~

Categories: ● 血清, ● 免費體驗, ● 細胞再生, ● 醫美, ● ACR, ● Evvus, ● neoderm, 愛美體驗