網路上的緣妙。。。賀技安小姐的現實版技寨開張！

兔比係個慢熱嘅人，所以認識嘅朋友唔多，自從離開校園出黎挨世界之後，生活上每日都返工放工返歸，偶爾等到兔比佬陪下，基本上生活圈子就只係保持原狀，但自從開始寫blog意外地認識左一班網路上嘅blog友，其中一位就係技藝多多嘅阿技  ﹣ 技安小姐

初初加入blogger行列個時，兔比眼中嘅阿技係個遙不可及嘅人氣blogger，估唔到阿技會讀兔比嘅文，估唔到佢會響評論同自己閒聊，然後過左好一段時間，有次去完blogger event跟住ballet_tata同小黑咪食飯，座上客仲有lazybone同當時完全無見過面嘅阿技，最估唔到係阿技原來真係非常富幽默感，係個爽朗又親切嘅女生，個餐飯真係食得好開心~

某日阿技送黎一個喜訊，佢嘅現實版"技寨" ﹣D² Beauty終於面世啦！

兔比都未曾參加過友人嘅店舖Opening（朋友之中開店嘅都唔多），可以有份分享阿技嘅喜悅，一定要去親身支持！

當日約埋lazybone一齊去，原來好多blogger都已經到左，大家仲跟阿技學摺紙花，錯過左．．．

當日主人家手傷未癒，但精神奕奕，依然鬼馬=D 

阿技有幾搞笑？睇下艾莉絲笑出眼淚就知啦~

200多尺嘅小天地入面處處可見阿技嘅藝術氣息（搞笑以外嘅另一面）

牆上嘅圖案唔係牆紙，而係一筆筆咁畫上去，細看之下仲發現有閃粉

繡球花一點點咁畫上，絕對係極花時間之作，好幽雅feel~

有咩令大家討論得咁開心？

大家都對阿技多姿多采嘅工作片段好有興趣~ 星光熠熠呀！

阿技人緣超好！合照中只係出席嘅一部分技安之友，如果大家同時出現一定會迫爆技寨！

哩個地方唔只係阿技嘅化妝工作室，仲係毛工皂同化妝等小組教學地方，好期待~

阿技繼續努力打拼！祝技寨生意長做長有！

Categories: ● 小組教學, ● 化妝, ● 技安小姐, ● D² Beauty, 生活點滴