殺殺殺！痘痘殺它死。。。SkinPeptoxyl全效舒緩修護素

一個月總有幾日睇自己極唔順超，因為有痘痘作怪．．．最近試用左SkinPeptoxyl全效舒緩修護素，已將佢列入兔比嘅殺痘名單之中，要死啦D青春痘又何須揾Jackeline~

蘊含天然成份，強效針對、舒緩及預防痘痘粉刺生長，又唔會刺激肌膚，有效去除表皮老化角質，同時激發肌膚天然療膚機能，並且於痘痘長出時舒緩肌膚繃緊同發炎等情況，令肌膚回復均勻潔淨及健康神采。

兔比酷愛煎炸油膩野，愈毒愈愛食（哩D咪叫犯賤囉．．．），所以爆痘次數都頗頻密。前日見到18件麥麥雞被燒著左，要同事齊齊食~第二日立即爆痘，老麥果然夠毒！好！正係時間試下新野！

如果撕走招紙同Lip gloss認真難分真假吧~

用附有嘅海綿捧捧直接將產品搽響痘痘處，無任何著色，聞落有酒精味。搽上去感覺涼浸浸，之後有一點拮拮地， 話咁快乾透之後不留任何痕跡，可以照常上妝啦！

值得留意係產品含有酒精成分（Alcohol），具消毒作用，但如果痘痘處已有傷口千祈唔好搽，否則情況如同火酒抹傷口，痛到眼淚流．．．另外，由於酒精揮發性高，用完好馬上扭蓋免得浪費。

未用前痘痘又紅又腫，搽左一日痘痘唔再作惡，無再惡化不過仍然紅卜卜。用左兩日痘痘開始謝同消腫，一星期後已經完全撫平痘痘，只剩返一點色素，繼續搽多一星期色素都退得八八九九，唔用箭咀指都未必睇到吧~ 最開心係唔會令痘痘位置皮膚變得乾爭爭皺晒皮！

試左幾粒無膿頭嘅痘痘都可以成功殺它死！由於無爆到有膿頭嘅所以未知係咪同樣有效。

值得加分係完全不留痕，唔似好多暗瘡膏咁搽完白色一撻，哩款搽左都無人知，完全唔影響上妝。不過個人覺得將沾完痘痘嘅海綿捧放返入樽唔太衛生，有點擔心會污染左成支產品．．．兔比係咪諗多左呢？

Categories: ● 全效舒緩修護素, ● 粉刺, ● 痘痘, ● 醫美, ● sasa, ● SkinPeptoxyl, 產品試用