發表文章
相信唔少人都會諗起 shu uemura（植村秀）吧~ 品牌潔顏油一向受歡迎而且獲獎無數。單係潔顏油都有6款不同選擇，唔只氣味同顏色有所不同，配方照顧不同肌膚需要。
幾年前已經情傾 shu uemura 潔顏油，當時工作需要日日化妝，最希望一次過連眼妝方便又快捷咁卸走，可以爭取時間馬上去覺覺豬~（真係一頭豬！）日日都要用，一支卸得徹底而又舒服嘅卸妝產品絕對重要！
用過唔少卸妝油，兔比始終發現至愛非佢莫屬！（要唱阿Mi嘅唯獨您是不可取替~）一支450ml Jumbo Size就算日日用都可以用到好一段時間。
之前未用過卸妝油都唔駛怕，用法好簡單~ 乾手乾面取3-4泵（份量一定要足夠包圍肌膚）
按摩至潔顏油同彩妝完全融合
加水乳化至油膩感消失
用水徹底沖洗就可以~
兔比一向係 綠茶抗氧化潔顏油（Cleaning Beauty Oil Premium Advanced Formula）嘅捧場客，第一時間試左佢最近推出嘅全新配方。
單睇顏色似乎無變，不過新配方氣味由上一代綠茶味變成清新檸檬味，感覺更fresh更岩夏天~（嘻~ 咁咪即係檸茶？！＝P）
除此之外，新一代為雙重抗氧配方同革新升級HPO潔顏油系統。升級HPO潔顏油系統蘊含3種源自天然又不同結構油份子，防水妝物卸除力提升80%，保証連頑固防水眼妝都輕易卸除。唔信？即刻試俾您睇
幫手背扮靚靚先~ 搽粉底、liquid eyeliner、mascara、閃閃眼影同唇膏 （有無少少畢加索影子呀？XD）
加一泵揉搓妝物已經溶，再輕輕打圈打圈．．．
稍稍加水乳化再打圈打圈．．．全部妝物都溶晒，連最難搞嘅eyeliner同mascara都KO埋
過水再印乾水份乾淨晒！除左剩返丁點閃粉，其他野都已完全卸走，潔淨度達95%以上！過完水肌膚水水嫩嫩又唔繃緊，不油膩都不黏笠，之後無需再用其他潔面產品~不過兔比都不厭其煩用其他潔面產品洗多次，哩個已經成為習慣
最讚係卸妝之餘同時改善膚質，含有抗氧化綠茶精華，而品牌皇牌成分海洋深層水™改善肌膚自我補水能力；新配方加添左銀杏葉精華，抗氧化及促進血液微循環。對肌膚好D，用卸妝品除左乾淨都要有更高要求，兔比真心大推Shu Uemura 綠茶抗氧化潔顏油！回購度達100%！
今日為正學化妝嘅細佬擔任makeup model，雖然唔係第一次交塊面俾佢，不過如此誇張嘅創意妝都係第一次化
等左好耐先被評分，搞掂馬上卸妝走人（誇成咁無可能出街吧~）甩左條假毛之後用綠茶抗氧化潔顏油一次過卸走全妝， 一分鐘內乾淨晒！
宜家 shu uemura Facebook Fanpage 有優惠活動，體驗價 HK$200 就可以買到限量輕盈防曬體驗套裝，包括皇牌潔面油50 ml、妝前泡沫底霜30g同五角形化妝綿。妝前泡沫底霜同樣係兔比大推產品（前文回顧：泡泡唔只潔面用。。。打造貼薄底妝同樣OK！），難得有優惠一次過入手 shu uemura 兩大皇牌產品，雖然兩者都係mini size，不過試岩心水再買都好~
0 留言:
張貼留言