與水魚約會於美術館。。。香港終於有本土出世熊貓？！

早前收一個美術館展覽邀請，令兔比相當興奮，到底有咩展覽吸引到一點藝術氣質都冇嘅兔比？

您認識哩隻熊貓嗎？就算唔識都應該熟口熟面吧？（唔係功夫熊貓呀！）

佢就係著名插畫家及作詞人小克創作嘅聾貓，100%本土出身~ 佢就係今次展覽嘅主角

尋日兔比出席「德福廣場 x 小克 Mass Landing美術館」VIP Private Preview，可以率先進場參觀！有水魚小姐相伴仲接放工一齊去，爆開心！

進場前獲派一張靚靚SPACE Passport，準備上太空？

無錯！今次Gallery以太空為主題，一入場就有太空人造型嘅聾貓同Bitbit歡迎~

曉行曉郁嘅Bitbit同聾貓您應該未見過吧~

聾貓被兔比抽水啦！無奈得滴汗XD

唔只聾貓同Bitbit漫畫，場內有過百件小克創作包括畫作、手稿、詞作同模型，小克果然係一個才子！

兔比第一次接觸聾貓都係小克 x 和民月曆，原來小克嘅crossover產品好多元化~ 您都會有幾件吧？

去到先知原來同場仲有唔少知名人士，好似張繼聰、藍亦邦、黃偉文、o靚模Evelyn等等~ 今次張繼聰同A貨謝安琪巧妙碰頭，當然要黎張世紀合照~ 唔知張生有無覺得水小姐似佢老婆呢 XD

大會仲貼心安排左Delifrance飲品小食，行到攰攰地可以揾個地方坐坐飲杯野食件餅~

今次展覽由7月18日至8月28日響德福廣場一期中央展場舉行，開放時間12:00-22:00，想同聾貓 Bitbit近距離接觸記得mark低時間啦！

另外，推廣期內響德福廣場消費滿指定金額就可以換取「聾貓 Bitbit 漫遊太空紀念品系列」

愛聾貓愛小克嘅您千祈唔好錯過啦！ 活動詳情請見 http://www.mtrmalls.com/MassLanding2011/#/promotion

Categories: ● 張繼聰, ● 小克, ● 卡通公仔, ● 展覽, ● 漫畫, ● 德福廣場, ● 聾貓, ● Bitbit, 生活點滴