發表文章
有留意新聞嘅您都應該知30/9係JUSCO十蚊店加價前最後一日，雖然本身無咩特別野想敗，但尋日去完北角上training都特別去附近分店走一趟作一次告別敗家~^^ 好多裝飾品都超Kawaii，好想都帶返屋企，被同行友人歧視鳥．．．
登登！是日敗品有．．．
靚靚桃紅鐵MUG，雖然兔比不愛PINK PINK嘅東東，不過LACE圖案令人實在愛不釋手！（兔比有LACE情意結~）應該會當筆筒插下化妝掃，同series仲有好多唔同大小形狀，好想要埋但又唔知有咩可以裝 ><
勾花檯墊主要係希望用黎作平日影相嘅綠葉，係咪夠無聊呢？XD 本來想買塊大，不過大個D都被拉到變晒形
印甲用海綿，可以印下漸變甲（前文回顧：玩指甲@20-8-10MirukuShop私甲派對），其實最欣賞係佢個手柄姐~
Microfiber潔膚手套，平身用開Microfiber毛巾仔，見差不多係時間換趁起價前買定囉~
加價前最後一日果然人特別多，之前去北角店都係比較冷清，今次Cashier竟然要排長龍，好在都係排左10分鐘就到~ 今日起所有$10貨品都會加$2，$2雖然唔多不過加幅可是原來嘅兩成，少數怕長計以後買野都要停一停諗一諗先好！
0 留言:
張貼留言