覓食小記。。。平食日系意大利菜

早前跟友人去左一間連鎖意大利餐廳開餐，感覺有如發現新大陸！菜式價錢不過由$8起，pizza只係廿幾蚊，同pizza hut差好多個價位，平到unbelievable，有別一般意大利菜高昂價錢。所介紹嘅係有幾間分店嘅Saizeriya薩莉亞，從裝橫格局同menu已睇得出源自日本，去過北角同慈雲山分店環境都夠整齊闊落，而且上菜速度夠快~ 

同兔比佬兩個點左鐵板煮蜆、蒜茸包、墨汁意粉加周打海鮮湯同沙律，另加兩位自助任飲，埋單九十幾蚊。

沙律用特有醬汁，睇起黎似千島醬，紅色粉粒味道似蕃茄味薯片調味粉，酸酸甜甜好開胃~

周打海鮮湯非常足料，好多海鮮粒粒，而且好香滑，可惜唔夠熱，而且份量似乎太少未夠喉~

蒜茸包唔係脆口個種，而係好鬆軟好綿~

鐵板煮蜆有點失色，夠鮮味但衰在鐵板一D都唔熱，上枱個時只係和暖．．．

墨汁意粉賣相雖然比較差，不過味道唔錯，意粉唔會過淋，而且配料都唔少

自助水吧有咖啡、果茶、紅綠茶、汽水同朱古力，全部可以任飲任fill，都係每位$12，飲兩三杯已經抵返！整體黎講唔係ichiban美味，但味道一定唔差，價錢亦非常相宜，下次再去食過！

Categories: ● 食評, ● 意大利菜, ● 意式餐廳, ● 薩莉亞, ● Saizeriya, 飲飲食食