SESHA聯網抗氧化細緻眼霜。。。千元眼霜救到千年眼圈？！

女生有一對明眸絕對殺食，可惜自少已經係夜鬼（幾乎每晚都一點先肯上床訓），一直以黎都受黑眼圈困擾，有朋友貪兔比個眼圈夠黑，索性帶兔比同佢一齊去counter試concealor=="，一試便知龍與鳳。加上以前有捽眼唔留手嘅不良習慣，搞到眼紋都跑埋出黎，雙眼乍看老左幾年．．．兔比可唔會坐以待斃，努力尋求救眼良方，今次就試左SESHA聯網抗氧化細緻眼霜。

SESHA之前兔比都未聽聞過，品牌創立於2010年，由美國麻省理工學院與哈佛科學家Dr. Dean Hsieh同佢研究團隊，將成功研發嘅PET™高效滲透傳進專利技術配合抗氧化聯網系統成份研發成健膚產品。而PET™傳進專利技術經美國FDA（美國食品及藥物管理局）認可應用於正式處方用藥，並成功行銷於美國以至世界之傳輸技術

SESHA聯網抗氧化細緻眼霜來頭唔小，2008同2009年連續兩屆榮獲國際整形學會頒發《最佳產品大獎》，蘊含抗氧及抗醣聯網系統，包括維他命A、C、E及Q10，具美白及抗氧化功效，配合PET™專利科技，養份可以可直接滲透至肌底，幫助吸收及促進新陳代謝，修復受損膠原，消除眼部浮腫，撫平細紋同擊退眼周色素，加倍對抗老化問題，效果比一般營養霜更加顯著。經180日醫學臨床驗証，使用後表皮層增厚19-50%；真皮層黑色素明顯減少，幼紋及不平表面變平滑緊緻

SESHA聯網抗氧化細緻眼霜絕對算得上尊貴產品，15ml價錢為$1,240，自然令人對佢期望比一般眼霜更高吧~


盒內已貼心附有小膠棒，為免手指將細菌帶入罌內，記得要用膠棒代代替手指沾取產品，而且膠棒用完要保持衛生喔~ 如果罌內可以有位放置到膠棒就更好

扭開蓋仲有一塊膠蓋，唔怕倒轉左一蓋都係咁呢HEA

蘆山真面目係淡黃色水潤感蠻重嘅cream（兔比覺得個色好似吉士醬喔~ ^^），而且有輕微香味

推開後無著色，而且蠻快吸收，表層都唔覺油膩，反而有感覺滋潤

用左2星期有多，無起油脂粒同敏感反應，感覺良好~不過試過幾次一下子拎多左份量又唔想晒，通通搽上眼，結果出左頗多碎屑，夜晚雖然無咩所謂但日間就出醜．．．切記唔好太貪心以為多就代表好

哈囉喂ma！出動對熊貓眼嚇下您~

恭喜您未被嚇死！黑色素由深黑色明顯變淡，雖知兔比個眼圈已經係千年，無可能一下子消除吧~除左淡色素，紋理方面都有些少改善，深坑似乎無咁明顯呢~

真心講效果係有，可惜索價要上千元，兔比自己未必會回購，但值得一提產品所用嘅係一項科研專利技術，所以絕對有價~

 

Categories: ● 抗氧化, ● 眼霜, ● 醫美, ● sesha, 產品試用