Lunch Time放低蘋果。。。銀河快閃體驗

雖唔係Die hard果迷（唔會盲目去追每一款產品），但心中早已有教主出品必屬佳品嘅心態，除左每日iphone不離手，返到屋企都要呆在imac前幾粒鐘，APPLE佔據左兔比大部份時間。由起初覺得PC人轉唔到用MAC，到宜家反過黎覺得MAC更令人得心應手，兔比對APPLE出品愈用愈愛！

不過近年後起之秀Samsung都不容忽視，身邊朋友同事唔用iphone就一定係用Samsung Galaxy手機，而且用緊嘅都話比iphone更快更好用~ 兔比之前一直未用過以Android做OS嘅手機或平板電腦，所以都好希望親身試試其魔力！

過去嘅周末仲要返工，趁一個lunch time都要跑去出席Samsung x she.com bloggers event~ =P 地點已經唔係第一次去嘅Our Wonderland，哩度亦係兔比第一次出席she.com活動嘅地方（前文回顧：男女大混戰，小妹都可以砌低兩位男士？！），同時帶左個次活動初次見面嘅水魚一齊去~

由於遲到關係，到場個時Samsung代表已經開始介紹，錯過左試玩機會＞＜

今次主角係最新推開嘅Samsung GALAXY Tab 10.1平板電腦，有10.1吋同8.9吋屏幕選擇，分別重565g同453g，厚度不過係8.6mm，配備1GHz雙核心處理品同揚聲器，支援Adobe Flash Player、高清影片拍攝及播放，OS方面為Android v.3.1 (Honeycomb)；10.1吋除左有支援3G仲有WIFI版本，切合唔同用家需要

馬上Samsung代表即場示範GALAXY Tab 10.1嘅優勝之處，load google map實景超快速，運作流暢

聽左一輪大家都好心急要試玩一下，大會安排左10個tasks要各參加者兩人一組鬥快完成，勝出個組可以得到GALAXY Tab 10.1一部，所以大家都好努力~ 對於未曾接觸過Andriod嘅兔比已心知毫無勝算，加上拍檔水小姐只顧食野我地個組都只係HEA住玩

大會安排左工作人員協助解答使用疑難

拎上手感覺超輕薄，帶住四圍去都好方便 

支援multi-tasking，不過run得太多野又唔曉close，拖到超慢速．．．另外試睇she。com上嘅電影trailer，load得超唔流暢，唔知係咪開得太多野關係

HD畫質屏幕超清晰，影像鮮明。同chok樣水小姐合照耶！（鏡頭背後兔比被罵中XP）

另一優點係支援flash，唔駛擔心有D網頁睇唔到，比較不足係鏡頭只有30萬像素，相片質素較差，好多noise

最爆趣係GALAXY Tab可以透過AR.DRONE App操控無線遙控直昇機

去得cafe大會當然準備左美食俾大家

其實今次event安排真係有點不足，首先要一口氣完成10個tasks好似考電腦practical，感覺唔太relax，如果一個個task去玩或者會更好，而且有參加者發生不愉快事件，其實大會處理手法有點唔妥善．．．

臨走前收到一大袋紀念品，原來係一套14隻Andriod機械人Figure同she。com電話座，Figure對兔比黎講真係無咩用而且都唔好，都係送俾喜歡佢地嘅朋友吧~

兔比去到會場相機就無電，特別鳴謝水魚借出相機~

Categories: ● 智能電話, ● android, ● galaxy tab, ● Our Wonderland, ● Samsung, 活動分享, 科技電玩