品味美酒與美食的Perfect Match

兔比並不嗜酒更加烈酒免問，不過某D場合偶爾都會飲返兩杯紅白酒。幾年前工作同紅酒品嚐工作坊拉上關係，好多時竪起耳仔聽埋一份，原來每個產地每個酒莊出品都有獨特之處，先知品酒絕唔簡單，係一種藝術一門學問

分辨出岩自己口味嘅佳釀固然重要，仲要留意食物同酒嘅配合，揀得岩可以將味覺享受昇華，尤如造型上嘅mix & match咁相輔相乘。兔比好榮幸收到she.com之邀出席上周末嘅「紅酒美肌教室活動」，有機會一嚐美酒之餘認識餐酒同食物如何配搭~

要品嚐美酒最好當然去一個舒服又寫意嘅好地方，今次活動響位於銅鑼灣耀華街30號1樓嘅Club Palette舉行，地方闊落而且富藝術氣息，適合一班愛好品酒朋友邊飲邊傾。

開始前Club Palette為大家奉上一碟小食，包別有芝士、煙三文魚、烤肉同黑朱古力，用以伴住試飲嘅餐酒品嚐

Club Palette 代表帶大家按tasting menu逐一試飲4款紅白酒，由味道較淡到濃

先觀色澤，然後聞一下酒香，可以搖一搖酒杯令酒香進一步揮發出黎，最後入口將酒停留響全個口腔，因為唔同味蕾分佈響舌嘅不同位置，要嗒出真正味道千祈唔好入口就吞

第一款品嚐係黎自加拿大嘅Elephant Island Crab Apple Okanagan Vallet，屬於light body，顏色呈金色，雖說係蘋果酒但兔比覺得聞落似桃香加雲尼拿，口味甜甜好易入口，最match芝士或奶類食品，可以將奶香味帶出

第二款係黎自法國南部嘅Les Faitieres Riesling Alsacet，屬於medium body，顏色呈淡黃，氣味相對冇咁強烈，入口有淡淡礦物味同桃味，甜味較少，最夾煙三文魚，令魚肉鮮味停留響口入面

第三款係黎自溫哥華嘅Elephant Island Blackberry Okanagan Valley，同樣屬於medium body，顏色較淺，聞得同飲到有莓香同樹木味，烤過嘅白肉好似我地試嘅燒豬頸肉係best partner，或者可以嘗試薄切牛

最後一款都係黎自加拿大嘅Silver Sage Merlot Okanagan Valley，屬於full body比較杰身，顏色較深沉，未入口已聞到濃濃葡萄香，口味非常甜，係一款dessert wine配甜品飲用味道絕唔會被蓋過，伴黑朱古力飲中和到苦澀味，兩者味道互相平衡，帶出一種回甘~

難得有機會同其他blog友一齊飲靚酒，大家輕輕鬆鬆邊傾邊嘆，真係好relaxing~

紅酒除左味覺享受仲可以美肌！接住由Skinfood代表介紹鉑金葡萄基因高效系列，由法國布根地著名嘉美葡萄萃取精華，揉合抗氧化鉑金成份，而且今次特別同瑞士研究公司合作以瞬效傳輸科研技術打造膠質鉑金微粒，體積只係毛孔五萬份之一，發揮活化、抗皺、保濕多效修護

Skinfood化妝師教大家學韓妹子配合營養霜做面部按摩，每次5-10分鐘，每星期1-2次（冬天可以3次），幫皮膚做做運動，促進血液循環，有助加強通透感同提升輪廓

Step1：由眉心印堂穴向外打圈至太陽穴

Step 2：由眼角向下推

Step 3：用三隻手指按鼻旁迎香穴

化妝師當然唔少得分享化妝貼士，秘訣係以BB cream 1:1混合營養霜加強修護，然後直接用手印開，用手溫令妝效更貼服，瑕疵位如眼肚可以重複印上

活動結束每人獲大會送出嘅重量級厚禮，一支紅酒同兩件Skinfood 鉑金葡萄基因高效系列產品兩件，多謝she.com精心安排一個咁令人享受嘅下午~

各位Cheers~

Categories: ● 紅酒, ● 鉑金葡萄, ● club palette, ● Skinfood, 品味時尚, 活動分享