為髮絲打造的黃金“鴿”

剛剛將馬仔消耗完畢，又係時候諗諗買咩洗髮護髮產品好，唔知係咪同Dove有緣，繼一年前試用過深層修護系列（前文回顧：和平鴿出現。。。修護我的3千煩惱絲），今次又有機會率先試用仲未上架嘅輕潤保濕洗髮護髮系列~

Dove輕潤保濕洗髮護髮系列包括洗髮乳、潤髮乳同保濕滋潤乳，適合中度受損嘅毛燥乾澀頭髮。

洗髮乳同潤髮乳包裝一如Dove其他系列

比較有新鮮感係保濕滋潤乳好似忌廉嘅花型狀唧咀，非常特別~

金黃色洗髮乳同以往其他系列一樣帶有閃爍粒子，唔知點解Dove洗髮乳會係bling bling．．．

加水輕輕揉搓已經輕易起泡，而且泡泡夠多又夠密，足夠清潔髮根去除油脂污垢

潤髮乳同保濕滋潤乳兩者比較，潤髮乳質地好流質，亦易於沖洗；而保濕滋潤乳擠出黎有D似牙膏，有兩種唔同顏色嘅精華，金色係保濕精華而白色係滋潤精華，明顯比潤髮乳更滋潤

用完成個系列髮絲保持輕盈，而且變得順滑好梳

用完洗髮乳過完水頭髮都會有D乾同難梳，之後用潤髮乳再沖水即時順滑左唔少。最後用埋沖洗式嘅保濕滋潤乳，停留約1-3分鐘先過水，由於保濕滋潤乳比較潤切記要避開髮根。頭髮變得非常柔順，效果一次可見，打kick情況都大大改善，不過毛燥似乎無減輕到。雖然滋潤但無令頭髮變笠變油，而且香味久久不散~

不過洗髮乳嘅閃爍粒子令人擔心會有好重化學成分．．．

Categories: ● 輕潤保濕 洗髮, ● 護髮, ● DOVE, ● nourishing, 產品試用