發表文章
上次中theZtyle試用已經10月既事啦～非常榮幸再獲theZtyle試用機會，多謝theZtyle同今次產品試用單位Burt's Bee。
兔比個唇一年四季都好乾，以前有個惡習就係咀唇一甩皮就用手撕走，結果當然係個唇撕到又紅又流血，宜家諗起都怕怕
之後俾人話先的起心肝介左撕咀皮，好勤力咁搽潤唇膏以免D皮仔走晒出黎，潤唇膏一定跟身，食完野同訓覺前都一定要搽，否則個咀會乾到繃緊。
過去幾年都一直搽Vaseline lip essence，期間雖然轉過幾次其他牌子，不過最後都發覺唔夠潤
。之前都聞說過Burt's Bee潤唇膏係好用之列，所以一知道theZtyle有Burt's Bee潤唇膏試用就毫不猶豫報名。
芒果滋養潤唇膏Nourishing Lip Balm with Mango Butter 芒果油成份有效滋潤唇部，令雙唇柔軟幼滑。具淡淡芒果清甜香味，且蘊含脂肪酸及多種維他命，能高度滋潤保濕，長時間保持雙唇濕潤，避免脫皮情況。 重量：4.25g 成份：100%天然 售價：HKD $68 銷售點: 萬寧、屈臣氏、LCX、永安Plus |
今次試用Burt's Bee Nourishing Lip Balm with Mango Butter 芒果滋養潤唇膏係新出品，跟Burt's Bee其他產品一樣包裝上有「天然標章」同標示「天然成份比例」，代表獲得美國官方組織NPA(Natural Product Association )認證通過嚴格審核，而芒果滋養潤唇膏「天然成份比例」為100%，係真正全天然產品，絕對安全可以放心用，始於搽上咀唔多唔少都會食左D入口ma~
貫徹Burt's Bee環境保護使命，產品無多餘包裝，只有一張包裝label封住筒蓋，有無曾經開封一目了然。
開蓋睇睇真身，白色蠟質，軟硬適中容易塗開。話明係芒果滋養潤唇膏當然會有甜甜既芒果味，一開蓋就聞到，不過搽上後好快就會消散。至於香味好唔好聞都好睇個人，如果擔心陣味唔岩心水可以先到counter聞一聞先~
一向對膠筒潤唇膏都有偏見，覺得不夠擠出黎個種lip essence潤。不過今次Burt's Bee令我改觀，搽上去唔會油淋淋，但感覺滋潤，原本咀唇乾到繃緊既感覺即時舒緩，仲明顯添左光澤，無任何著色，自然到好似無搽野。滋潤效果持久，臨訓前來回搽左幾次，keep到第朝都仲feel到有層lip balm保護，無起到皮仔同繃緊感覺，讚！有點不足既係哩支lip balm無任何防曬成份，通常晏晝兔比會on top再搽有防曬度既產品。
兔比覺得哩支lip balm好岩用黎做唇膏打底，不但持久滋潤，唔glossy營造啞色nude唇就岩晒。
每一個推及留言都係小妹出文動力啊~謝謝支持!
0 留言:
張貼留言