發表文章
之前有睇開兔比文章既都應該見識過兔比個眼圈有幾偉大。宜家連眼紋都走埋出黎．．．兔比佬成日話「你以為自己仲好細呀？！」，都咪話唔灰
幾年前見到一個有cutie熊貓公仔既平面廣告認識MTM，自此開始留意佢地既product。MTM係首間於香港提供個人處方護膚產品同療程既專門店，佢地認為每個人的膚質與生俱來係獨特而唯一，所以一般專櫃式護膚品唔可以解決每個人不同肌膚問題。賣點係針對個人膚質，加上肌膚因季節、年齡同生活習慣而轉變，配合詳盡專業皮膚分析，係基礎護膚產品上加入專為解決個人肌膚問題既精華素，務求為每一位顧客提供最獨特、最貼身及最合適「個人處方」產品。
礙於MTM價錢太貴從來都無用過，連專門店都未敢踏足。雖然係咁從大量美容雜誌上都有聞說過佢地既皇牌產品Custom-blended eye mask，終於係早前有機會一試啦！前排MTM係網上搞左個免費體驗登記，之後MTM聯絡我book時間去沙田分店試貼，個次先第一次去MTM。BA介紹品牌產品同做皮膚分析之後，即場為兔比試貼一邊眼，由於店面太開揚當時無影相，同埋BA感覺唔太親切，令兔比唔太自在（好似被認為實無幫襯咁．．．），只係匆匆試完就走，無細意去睇效果。
多得TZ同MTM終於再有機會試真D Custom-blended eye mask，今次兔比都係去沙田分店（因為其餘兩間都好遠），又遇著同一個BA，今次好似招呼得比較好，起碼坐低後會問一問我要唔要杯水，同樣咁介紹後佢問我係咪之前黎過試(唔知係咪認得？），可能我話有所以佢無同我check皮膚，俾份試用品我簡單幾句講講用法就走得。
 Custom-blended Eye Mask (New) (30mL / 12 pairs) $1380 ● 昇華版Custom-blended Intensive Eye Care Complex擁有專利配方TetraEyeTM，其強效的四胜肽成份，更可刺激膠原蛋白重生，緊緻眼部肌膚，極速撫平眼部幼紋、皺紋 ● 四胜肽能高效促進淋巴循環，排走多餘水份並消除眼部浮腫，去除及抵禦眼袋 ● 可強效對抗醣化、抵禦衰老及暗黃問題 ● 透過獨特的「個人專屬」精華 |
試用品包括2對眼膜同1支Eye Care Complex，換言之係2次份量。本來滿心期待可以見到針對自己眼部問題既「個人處方」面世，點知收到既係未加入處方既Eye Care Complex（BA話所有試用blogger都用同一處方），恕我坦白真係覺得幾失望，因為跟MTM品牌「個人護膚處方」理念完全不符，變得同貨架上其他一式一樣既產品毫無分別。
眼膜係膠原蛋白黎，較普通眼膜厚身，摸上手質地似發泡膠。
試用裝Eye Care Complex以滴管樽仔包裝，容易控制泵出份量，質地同B5 Gel相似係重水份既啫喱，但較為杰身，可以輕易推開，但唔會一下子完全被吸收。係手背推開後，水份顯著上升（皮膚測試筆唔係精密儀器，讀數只供參考）。
用法較一般眼膜複雜，先將適量Eye Care Complex由外向內搽於眼下，然後貼上眼膜（雙手一定要乾爽，否則眼膜會變左咸菜），眼膜會依附係已經搽左Eye Care Complex既肌膚，再響眼膜上面輕拍Eye Care Complex至濕透，等30分鐘至眼膜乾透就可以由外向內慢慢撕落黎，剩餘既Eye Care Complex唔駛洗走，只要輕拍至吸收就可以好似平日咁搽眼霜。
廢話少講，即刻俾大家睇睇效果~ 以下圖片係敷眼膜前同敷完後即時影（連眼霜都未搽），100%全素眼
0 留言:
張貼留言