賀年「糕糕」GO！。。。 快人一步未過年先食糕

過年又點少得中式賀年糕品，兔比家年年都會買一兩底糕應節，一家人齊齊分享。通常哩類糕品都係係酒家訂到時到候去拎，選擇五花八門，但一講到健康之選就買少見少。

早前有機會率先試試鴻福堂自家賀年糕品，係眾多選擇中難得一見標榜健康既糕品。由一開始認識鴻福堂既涼茶，至今佢地已經推出一系列自家食品，「自家湯」、「自家小食」、「自家糖水」及「自家飯麵」等等，全部講健康無添加防腐劑同味精，近年連賀年糕品都有推出。

今次兔比試食左鴻福堂自家賀年糕品其中兩款：鴻運年糕同燕窩楊枝甘露糕

去旺角東分店拎試食糕品，值得表揚既係店員態度好Nice而且又有笑容，臨走前仲提醒燕窩楊枝甘露糕係凍食~

每盒糕品都係以有蓋膠盒包裝，外面以真空密封保証新鮮，上面清楚印有食用期限，咁就唔怕食左過期野。

鴻運年糕

兔比家過年必食年糕，貪佢好意頭，年“糕”年“高”，而且係老爸至愛。

年糕唔同其他糕有料係中間，表面上平平無奇，聞上去一陣椰香~

好啦~ 兔比要好好泡制佢！切開一片片煎左佢

有得食啦！仲特登整左兩個薑餅仔應一應聖誕，排得懶過靚咁

煎到外面脆卜卜，入面仍然係綿綿既，真正外脆內軟。口感煙煙靭靭，椰香味濃，甜味剛好唔會過甜，多食幾件都唔膩。

燕窩楊枝甘露糕

鴻福堂楊枝甘露就飲得多，楊枝甘露糕兔比真係未試過。可謂比較創新同另類既賀年糕品，而且係凍食，切開就可以食岩晒懶人，哈哈~ 提提您哩款糕保質期較其他糕品短，要特別注意呀！

未切開已經見到好多料，有一層透明啫喱係面，中心有燕窩，感覺矜貴~切開左入面有好多芒果肉、金柚、水晶珠，十分足料。

未入口先聞到香甜芒果味，入口芒果肉一D都唔酸。軟滑既糕中間有爽口既金柚絲同水晶珠，口感豐富，而且味道清甜，唔會好漏。過年多食熱辣辣煎炸野，轉轉口味難得一種清新感覺新選擇。

一次食唔晒，可以原盒放入雪櫃下次再食

今次兩款試食糕品味道口感都唔錯

，跟老媽講以後買賀年糕品唔一定去酒家，去鴻福堂一樣得，仲有多款可以揀，傳統之餘仲有創新選擇。值得一提係鴻福堂糕品係無添加味精同防腐劑，全程香港製造，食都食得放心D啦！

宜家鴻福堂仲有優惠！1月31日前訂購，優惠可以低至55折，另外購買賀年糕品禮券每滿$500，送優惠券1張、鴻運年糕券1張及每月賞優惠券1張 (優惠總值$338)。

有興趣試試可以click入http://www.hungfooktong.com/news/225/index.html 睇睇

每一個推及留言都係小妹出文動力啊~謝謝支持!

Categories: ● 女, ● 生活記敍, ● 鴻福堂 自家 賀年糕品 年糕 楊枝甘露 無, 飲飲食食