秋冬特別篇：拯救我的乾燥肌妙品公開！

哩幾日氣溫驟降，連濕度都大跌，要做好保濕應急準備呀！

兔比本身係偏乾皮膚，以往唔注重用咩保濕product一入冬就會局部地區性甩皮，鼻位乾到皺晒皮。。。變左個皺皮爛柑

不過大個女左就明白秋冬保濕不容忽視，一定要揀岩work既產品，今次同大家share下兔比私房秋冬妙品

超強效保濕精華 ﹣ Bicelle B5 Gel

用左大大話話4-5年，兔比一年4季連眼都用得，不過乾燥季節會加重份量。質地好水，容易推開，好快滲透至肌膚，唔會停留表面搞到笠痴痴，自從有佢之後我塊面就無再乾到甩皮啦！真係好work

主要成份：25% 透明質酸、維他明B5  功效：1,000倍水份迅速注入表皮層，即時為皮膚補充水份，令皮膚更飽滿健康 能與皮膚中的蛋白質結合，產生水合作用，將水份鎖於皮膚底層修護皮膚組織, 提升皮膚的天然保濕屏障 滋潤皮膚，減退幼紋、乾紋改善膚質，令皮膚柔軟，平滑和有彈性

小提示：敷mask前可以先搽上打底，等mask上精華吸收個時一併推入肌膚底層

忙人保水之選 ﹣ Bioderma hydrabio mask

Bioderma紅水大家都應該唔陌生，但其他產品又有無試過呢？哩款mask係Cream狀質感，輕輕係全面推開停留10mins左右就OK，期間可以好自由咁做其他野，唔似用paper mask咁要乖乖訓低等，岩晒D大忙人，雖然佢寫抹走就可以，不過我都係會過水，無咩所謂視乎自己鍾意啦~用完皮膚feel得到水潤飽滿，摸仲上去滑滑嫩。哩隻mask對兔比黎講係幾驚喜，因為第一枝係買野送，用過覺得好正要真金白銀回購黎睇門口。兔比宜家搞左個小抽獎其中一份獎品係哩款mask，如果你都有興趣試試，可以去我個post (開Blog半週年啦！聖誕送小禮抽獎) 睇睇點參加

面層鎖水、底層儲水、深層活水循環，boost up 30億水份流動。蘊含高濃度Aquagenium®，加強水分的輸送及注入每個缺水細胞只需10分鐘，為肌膚持續保濕長達48小時

小提示：想加強效果可以搽住去洗白白，蒸氣可以幫助吸收~次

可揭開3片的啫喱面膜 ﹣ Bicelle Bio-cellulose Hydrating Mask 

初試片裝啫喱面膜，有別於paper mask，佢超韌點扯都唔爛，貼面度極高，設計覆蓋埋眼仔，一次過唔洗另覓眼膜~

一片有成50g，每片有好份量十足，唔係揸流灘。

敷起黎好爽無任何香味，敷完皮膚水噹噹喝飽水，絕對係乾煩肌膚急救極品！唯一要彈係鼻位太長，兔比個鼻又太扁遮住鼻孔

小提示：撕出黎個兩塊膜上面仲有好多精華，可以用埋黎敷手腳唔好浪費呀~

肌膚一夜復活 ﹣ Origins Make A Difference Night 肌膚再生修復晚霜

另外抵讚既仲有我之前係blog都share過既Origins Make A Difference Night 肌膚再生修復晚霜，輕盈但保濕效果出色，最近幾日咁乾燥都keep到成晚水嫩，之前介紹過我唔多講啦~有興趣就回顧前文啦

小提示：可以用哩款晚霜當Mask敷10mins後抹走搽保濕面霜

前文回顧：

Make a wish。。。見証Make a difference一夜復活(前編)

Make a wish。。。見証Make a difference一夜復活(後編)

每一個推及留言都係小妹出文動力啊~謝謝支持!

主要成份：透明質酸、 B-胡蘿蔔素、甘油、天然抗氧因子 功效： * 高效抗皺 - 含B-胡蘿蔔素、天然抗氧成分，能抵禦游離基對肌膚的侵害，有效預防皺紋、鬆弛等老化徵狀。 * 強效補濕 - 含透明質酸、甘油等補濕成分，為肌膚補充大量水分及養分，同時具鎖水功效，用後水盈緊緻。 * 加強滲透效能 - 獨特3D立體剪裁，能依據面部線條緊貼肌膚，讓每滴面膜精華徹底被吸收；全面加強補濕、抗皺、緊緻效能。 * 鎮靜敏感泛紅 - 有效紓緩及鎮靜肌膚，改善泛紅、缺水等敏感情況，特別適合激光治療後使用

Categories: ● 保濕, ● 秋冬, ● 面膜, ● 醫美, ● bicelle, ● bioderma, ● MASK, ● Origins