敗家手記。。。 便宜道具拯救熊貓眼﹠11月幸運月 \(0^^0)/ 好禮Show Off

今個月好乖無點敗野，原因係兔比今個月花左一大筆去做眼仔小手術同打HPV疫苗，不過哩D錢又真係唔慳得。。。

敗品一覽

幾鍾意collect point D衫，不過正價真係唔平，所以買親都等SALE~哩件Heather Top購自SOGO thankful week＄100有找，襯多件開胸冷背心就very good。本來仲想敗但人太多唔想迫咁耐，拿拿聲俾$走人，之後都無晒mood繼續行

哩對可作冷熱敷眼罩，可以放入冰箱或放入熱水，大家估下買左幾$？文末開估

冷敷可以收縮血管，令皮膚收緊同紓緩紅腫，好岩訓醒眼部浮腫及眼袋鬆弛個時用；熱敷就可以加速血液循環，幫助舒緩新陳代謝減弱，血液循環不足引致既黑眼圈，可以慳返唔洗買花生蒸氣眼罩^^。應該好多sis都聽過冷熱敷交替法，如果用眼罩代替毛巾溫度可以持久一段時間，又唔會搞到濕淋淋，會比較方便。多謝MD既Zoey提議，兔比用過覺得眼仔會舒緩到疲勞感

雖然哩款眼罩面積細細，但敷眼已經夠晒，太大塊好重，兔比試過俾大眼罩擲到頭痛。。。有陰影

Free Gift晒冷

月頭中左she critiques美容大賞投票獎，可以帶晒佢地返屋企，多謝she .com！獎品有shu uemura UV under base mousse、CLARINS Natural Lip Perfector、TrimEC-Café 蘋果綠茶、喜療疤除疤口者喱，好豐富！想試UV Under Base Mousse好耐^^，遲下用左一定要試試出妝文

月中收到水魚報料話兔比中左F﹠B既10月blog中有獎，完全係一個驚喜，初初仲以為水魚搞錯左，好開心~

 獎品有GIFFARINE活膚酣睡面膜同活膚修護精華，係貨size 黎架~ 有無sis知道好唔好用？

上面提到既眼罩買左$8＠，購自龍城，兔比去過SASA睇，一隻都買一個double架！

每一個推及留言都係小妹出文動力啊~謝謝支持!

Categories: ● 冷熱敷眼罩, ● giffarine, ● shu uemura, 敗家手記