發表文章
尋晚同朋友仔參加與左免費雜誌Needs係香港日本人俱樂部搞既讀者活動“日本米及日本產品試食會”
塞車關係遲左成半個鐘先到場，好彩無被拒絕入場~
會場set up好似好試場咁既格局，入到會場見左大家都已經坐定定試食日本米，工作人員即時安排我地既座位然後好殷勤咁捧上茶同試食米
活動有好幾款不同日本米試食，原來我地已經錯過左一半既試食
“試完每款米MC會抽問一下參加者意見，送送小禮物，最後大家都要幫手填問卷
試完日本米大會考考大家對日本米既認識，全對既都有獎，兔比答唔岩全部，不過朋友仔就好叻叻岩晒，獎品係日本米或者日本食品
大家排隊領獎，出現名符其實既“排隊輪米”情景
問答過後有日本書法家Fujida San即席表演，係一張特大紙上面寫大字，筆筆有力，寫到大汗曡細汗
個“米”寫得幾有氣勢
之後既環節就精采啦~因為有得大吃一餐！
大會準備左好多日本食品俾大家組合成一個屬於自己既日式便當，可以即場食或者帶走
兔比揀左壽司、鰻魚、鰤魚、吉列蝦、吉列豚肉、沙律、玉子、餃子、越光米混糙米同三文魚飯團，特盛便當面世啦！（擺得樣衰左D)
返埋位慢慢嘆，真係煮得好好味，魚一D腥味都無仲好鮮嫩，玉子又嫩又甜，果然日本料理由日本人做先最捧！Yummy~
其中兩個參加者因為便當有心思可以得到一箱日本食品，早知都俾D心機砌啦！最後有抽獎環節，同朋友仔仲講緊睇怕都抽唔中，岩岩講完就中左，是日lucky no係49~
空手空肚來，挽住一袋收穫滿足咁走，呵呵~ 多謝Needs！
每一個推及留言都係小妹出文動力啊~謝謝支持!
0 留言:
張貼留言