發表文章
最近blogger熱話相信一定唔少得Anna Sui Makeup Touch Up & X’mas Surprise，兔比有幸成為其中一位參與blogger，開心到好似發夢一樣。兔比仲係妹妹仔開始化妝第一盒自掏腰包既2-way cake就係ANNA SUI出品，之後佢出既玫瑰Rouge都一定要入手，今次粉絲成為ANNA SUI邀請之列真係發夢一樣。
收到通知個時只知時間地點同埋係ANNA SUI活動，問TZ同事活動內容，佢只係笑住話係一個suprise所以保持神秘，雖然係咁都足夠令兔比興奮左一整日^^多謝theZtyle同ANNA SUI！ 我地被邀到APM概念店參與活動，相信唔少sis都去過，不過今次非常難得可以係裡面自由影相（PR Wendy話平時唔可以任影架！），機會難逢當要唔可以錯過要影多D啦！原來概念店係模仿品牌創辦人ANNA SUI房間，入面既傢具包括櫃、梳妝台、梳化等都係ANNA SUI所擁有既款式，好想有一間咁夢幻既Dream Room呢！
今次話明係X’mas Surprise主角當然係ANNA SUI X'mas Collection 2010，產品都一如以往包裝得超級華麗
PR Wendy為我地逐一介紹每件產品既特點同意念。Wendy真係好Nice，係一個和藹媽咪，佢宜家佗緊B呢~
今次仲遇到偶像大佬B，可以同偶像合照，呵呵~ (未上妝個樣好殘，大家張就下><)
仲遇到Ruby、穎妍同CoCo，忘記左同穎妍,CoCo影合照＝＝“
見Ruby可以由化妝師makeup都好想可以一試呢~可惜化妝師行開左，又約左兔比佬要走先，唯有自己動手，獻醜啦！Wendy話入到ANNA既房間就可以當自己屋企隨便玩，咁多product慢慢試
大家準備好聖誕禮物未呀？如果未諗好不妨考慮一下ANNA SUI X'mas Collection 2010啦~ 又睇得又實用，送俾人或者買俾自己都值得推介！
大家準備好聖誕禮物未呀？如果未諗好不妨考慮一下ANNA SUI X'mas Collection 2010啦~ 又睇得又實用，送俾人或者買俾自己都值得推介！
今次X'mas Collection 2010以騎上旋轉木馬投進夢想世界為主題，你我都可以變成華麗可愛既女生，夢想旅程不斷轉又轉。
MAKE UP COLLECTION 2010 魔法星願彩妝套裝 （限量）2款
售價：＄430
每款彩妝套裝，帶給妳四件魔法。包括星星圖案的化妝包、啫喱眼彩、水漾魔幻唇彩、及經典魔幻胭脂，帶妳走進ANNA SUI的搖滾世界！
01為紫色而02為金色，啫喱眼彩用印既手法搽，印開後等一下就會乾，輕易營造出非常搶眼既blingbling效果，而且一D都唔黏笠。唇彩樽內有ANNA SUI字樣，非常特別，唔知點做到呢？胭脂再次用返紫色卜卜哩個經典元素。
NECKLACE ROUGE夢幻時光唇彩鍊（限量）2款
售價：＄385
閃閃星光的唇彩印上星形圖案，加上耀眼的寶石，帶你進入Anna Sui的夢幻時光！
01係粉紅色而02係橙色，上面印左星星圖案，唔捨得用呢！
FACIAL SOAP & DISH SET夢幻旋轉木馬潔顏香皂組合（限量）
售價：＄215
珍珠白的潔面香皂碟，最適合配襯ANNA SUI玫瑰花香味的心型搖滾公主潔顏香皂！
3色潔面皂都有招牌香味，就算擺係衣櫃都唔錯。
MIRROR CHARM 魔法星願巧妝鏡（限量）
售價：＄240
奢華尊貴的星願巧妝鏡，令你感覺像搖滾巨星一樣！
感覺同經典玫瑰花鏡截然不同，除左用黎照仲可以掛係袋，個袋一定即時加分。
EYE COLOR COLLECTION IV 魔鏡眼彩盤（限量）
售價：＄335
備受大家喜愛的ANNA SUI魔鏡眼彩盤今個秋冬以新裝強勢回歸，換上全新白色外殼，提早迎接白色聖誕的浪漫氣氛。
LIP COLOR COLLECTIION IV 魔鏡唇彩盤（限量）
售價：＄335
備受大家喜愛的ANNA SUI魔鏡唇彩盤，配上ANNA SUI經典的紫色，打造完美的紅唇，為聖誕節強勢回歸的必購精品。
Nail Color 魔幻炫彩美甲油（限量）5款
售價：＄125
EYE COLOR CRAYON魔幻閃爍眼彩棒（NEW）7款
售價：＄180
所有ANNA SUI女孩都不可缺少的產品！將珠光眼彩塗於眼皮上，締造搖滾巨星的風采！
色彩鮮明可推開作珍珠色眼影或畫eyeline，好容易推開，而且感覺好貼肌膚。