平民價享受即席日式鐵板燒。。。仲有型男睇？！

最近係咁出食文。。。好似做左食家咁，希望大家唔會睇厭啦！兔比真係好enjoy同大家share好野食

尋晚去左新城市拎mTm試用品，同兔比佬諗住凍凍地食下打邊爐，點知好黑仔地行兩間酒家兩間都唔無

，兔比就提議去試試新城市新開既IKI日式鐵板燒。

下晝靜到不得了，晚市等到你傻，拎左飛仔可以去樓上city super行行先。等左起碼半個鐘終於入得，仲可以坐bar檯近距離睇師傅燒，yeah~之前係第二度都已經好想試試日式鐵板燒，不過個價錢實在貴得令人卻步，動輒都要幾百蚊一個人。

環境乾淨又闊落

選擇唔少，鐵板燒有肉有海鮮，可以單點或者定食，講抵食當然叫定食啦！俾多少少有埋前菜、湯同飯或面，另外可以優惠價叫其他小食。同兔比佬每人各order一個定食，再加一份龍蝦share，半隻龍蝦不過$78，有燒龍蝦同龍蝦麵豉湯。

Order個時waitress本來話龍蝦已經sold out，不過個缸仲有於是再幫忙問一下，結果真係爭取到，服務態度非常好~

D龍蝦即時係水缸捉上黎開邊，百份百新鮮！

一邊睇住師傅燒一邊等食，留意個師傅都幾型架！

終於有野食啦！いただきます！

我份鰻魚定食，係咪好靚呢？

兔比佬份燒牛柳併海鮮定食

龍蝦麵豉湯，好鮮甜呀！

燒龍蝦已經貼心咁劈爛左個殼，可以大舊咁放入口，鮮味十足，加少少檸檬汁已好滋味

炒麵都好唔錯，味道同日式燒餅一樣

兩個人埋單$350左右，仲有新鮮龍蝦食，好抵食呀！下次再去食過

每一個推及留言都係小妹出文動力啊~謝謝支持!

Categories: ● 女, ● 生活記敍, ● 鐵板燒 龍蝦 定食 平民 日式 iki, 飲飲食食