與香甜水果的肌膚之親

對Bourjois印象最深係烘焙胭脂同彩妝品，今次難得有機會一試Bourjois新出品「Healthy Mix果療系列」其中3寶。全部低過敏性配方，唔阻塞毛孔，確保俾肌膚最大照顧，形成非常自然健康光澤；氣味清新幽香，提供舒服自然感覺~

果療精華亮膚啫喱 (Healthy Mix Serum) (全6色) ＄168

全新啫喱配方亮膚調色霜（唔係粉底黎架！

）主要成份包括荔枝（高含量維生素C同鉀可活化肌膚）、杞子果（高抗氧化性能，蘊含7種維他命，滋潤保濕）、石榴（治療特性，有助舒緩壓力，對抗暗沈膚色）3款" 超級水果" 配方，特點係經多次使用肌膚可改善肌膚包括：瞬間活化肌膚、Refresh及加強肌膚光感度、提升亮澤肌膚色調同均勻、明亮膚色持久度達至16小時。（經100個消費者測試，使用4週後能增加69%以上肌膚光彩度）另外含光反射Micro Pigment，啫喱質地促進膚色光彩度，即時與肌膚融合，唔會有厚粉感覺。

泵頭容易控制每次使用份量，唔會浪費又唔怕未用既同空氣接觸。一擠出就有陣陣果香，人都醒神D！

林林種種有防曬度既粉底同BB cream市場下，無防曬度比較遜色，勝在觸感水潤有光澤，兔比先前手痕擠到個鼻一上粉就甩皮，搽佢竟然冇事！做到均勻同明亮膚色，質感貼薄自然唔覺有搽野，可隱藏肌膚泛紅但遮唔到淺色斑斑（單搽一層）。夠滋潤唔乾但控油較遜色，上埋碎粉個幾鐘後已出現油光，用紙巾印印就甩粉。

果療水亮修正液 (Healthy Mix Correcting Concealer) (全3色) ＄108

鮮果成份包括覆盆子（加速細胞組織循環）、杏桃（增加肌膚水嫩光彩度）、哈蜜瓜（保持肌膚保濕度），遮蓋黑眼圈同消除眼部疲勞。

遮瑕度中規中距，可以遮到手背既青筋，但唔好期望對遮嚴重熊貓眼超大幫助（淡眼圈先OK），只係減淡一半（兔比最推都係B.B.出品，不過當然Bourjois價錢相宜好多）。唔知係咪顏色唔岩搽左眼圈變灰色，望落怪怪地．．．

哩種cream質地要快手印開，否則乾左會緊緊黏往點推都推唔散（好似下圖咁

），用紙巾刷又起晒碎屑搞到一團糟。不錯既係搽眼底都唔乾唔會加深眼紋~

果療礦物碎粉 (Healthy Mix Powder Foundation) (全2色) $148

天然成份高達96.8%，將礦物粉末同果療成分互相結合，使膚色明亮。結合杏桃（增加肌膚水嫩光彩度）、哈蜜瓜（ 保持肌膚保濕度）、蘋果（加強抗氧化功效）、生薑（活化肌膚細胞）4種成份。

粉盒設計唔錯，扭開蓋入面有半葉碎粉篩，逆時針方向扭開先可以經窿仔倒出，唔用又可以扭反方向lock返，唔會一打開蓋瀉晒出黎。唔夠貼心既係隨盒冇附有粉卜或碎粉掃（可於Bourjois另購，價錢＄89），兔比試過帶左佢出街冇帶掃得個拎字

2色選擇未免太少，，白D個隻色對兔比黎講過白，所用既深色BA話會有D似tan既感覺，似乎又太過紅．．．或者係兔比接受唔到tan look吧

粉粒睇落唔係好幼細，不過用碎粉掃上面都幾輕薄。

睇睇上面效果，用左一星期多D未見到提升肌膚光彩度，不過可以即時明亮同均勻到膚色，化個簡簡單單自然裸妝會岩用，而且好貼唔會起乾紋，維持到大半日唔變暗，不過控油較遜可能要密D補補粉~成個系列價格都好平民化呢~

每一個推及留言都係小妹出文動力啊~ 謝謝支持!

Categories: ● 底妝, ● 果療, ● 開架, ● 礦物碎粉, ● Bourjois, ● Healthy Mix, 產品試用