發表文章
everyBody Labo (体．研究所)哩個品牌或者大家會有D陌生，但星級化妝師 Rick Chin大家一定都好熟識。上星期兔比有機會參加響 EVERYBODY LABO BEAUTY GALLERIA舉行既「 everyBody Labo x Rick Chin 亞馬遜發現之旅 」分享聚會，先知道原來everyBody Labo乃Rick Chin研發
Rick Chin花左2年時間精挑同參與研發everyBody Labo (体．研究所) 店內產品，以首次參與研製日本品牌 everyBody Labo (体．研究所) 命名，除了同日本水療中心共同研製品牌”everyBody Labo"外，仲有巴黎著名香氛品牌”Secret de Femme"同英國時尚沐浴品牌"O London"。
2010年9月， Rick Chin首次以個人名義推出面部護理產品”expertise”。全線系列採用天然草本及果物精華配合高科研製而成，不含化學原材，配方照顧到男女需要同時，敏感性皮膚都可安心使用。
原來Rick Chin為左搵最天然護膚材料，2年多前毅然去到世界最大既亞馬遜熱帶雨林區，仲住左個多月，親身體驗自然生活同響原住民身上學用生果同草本植物護膚。今次活動全程由Rick Chin親身分享佢到亞馬遜搜尋產品配方既經歷同產品面世經過。
Rick Chin發現熱帶雨林全日溫差超過40℃，對肌膚造成極大傷害，眼見自己皮膚顯著變差，但當地人皮膚竟然保持光亮緊緻，秘密原來係生果同草本植物。
佢學習原住民將天然材料即摘即搽上面，發覺修護效果顯著，於是將哩D天然珍貴配方帶返香港。將熱帶雨林之生態定律套入肌膚護理概念中，並同多位世界各地皮膚科專家共同研製，加入不同醫學美容專利成份同天然有機水，成功研創出其首個護膚系列：”expertise”。
”expertise”產品成份包括3大元素：8大熱帶雨林植物精華（k8）、天然有機水（Organic Water）、專利醫學成份
8大熱帶雨林植物精華（k8）包括
Lily Pilly（番櫻桃）：補濕
Lemon Aspen（山楊）：淨白
Davidson plum（大衛李子）：抗皺
Quandong（沙桃）：抗氧化
Desert Lime（沙漠萊娒）：鎖緊水份
Wattle seed（金合歡籽）：滋潤
Kakadu plum（卡卡都李）：預防紫外線侵害
Roselle（洛神花）：舒緩
天然有機水（Organic Water）為渣取植物內裡汁液，有別於一般護膚品代替過濾水作基礎水份混調，讓肌膚質感更細軟。
個別產品混合左以下不同醫學專利成份：
Matrixyl 3000胜肽複合抗皺精華：連續使用56天，有效使肌膚細紋減淡45﹪，緊緻度提升16.6﹪，明亮徹白度增加及有效增加肌膚內骨膠原。
Enteline 2天然藻舒敏精華：有效減低皮膚因受外內刺激而產生敏感症狀，而且仲大量提升肌膚內裡水份達97%。
Kombuchka紅茶菌：加速新陳代謝、修護受損及老化肌膚細胞。
Oligogeline深紅海藻修護精華：天然鎖水透氣保護層。
深深感受到Rick Chin對工作既熱誠同堅持，由揀選成分、產品研發、搵公司生產到宣傳，哩位化妝界殿堂級人馬都親力親為，唔係只靠個人名氣去獲利。佢正計畫係香港設廠生產產品，減省生產成本以調低價格，令更多人都可以Afford到產品，護膚唔只一小撮人既專利，聽到都已經覺得好興奮！佢期望打造出一個有如日本Shiseido國際知名既香港品牌，外國可以做到香港都可以，衷心希望Rick Chin可以夢想成真，為香港爭一口氣！
Rick Chin真人好親切，一D架子都無呢！佢表示對我地一班beauty blogger既支持，鍾意大家最真實既分享，仲話如果對佢既產品有咩不滿都歡迎直說，絕對唔會嬲。除左介紹自家產品都同大家分享唔少不為人知既美容事，合照都無任歡迎，十分親民。
今次everyBody Labo送左”expertise”Beauty Essence同All in one 24 for face & eyes俾各出席blogger試用，兔比稍後再同大家分享用後感。多謝HKCOSME同everyBody Labo~
每一個推及留言都係小妹出文動力啊~ 謝謝支持!
0 留言:
張貼留言