發表文章
早前兔比到尖沙咀CASE Medical Spa 體驗Case-by-Case個人化醫學美肌方案。
CASE醫學美容中心於 2004年成立，由一班頂尖級醫學界及醫學美容專才雲集而成，2008成為「卓健醫療服務有限公司」旗下附屬成員。醫學美容除現有激光、煥膚及輪廓塑造外，加入嶄新 AAPE 醫學再生護理技術 (現為 CASE 代理獨家療程)、CASE clinical 獨家醫學護膚產品、面部保養護理及按摩服務。儀器全部獲美國食品及藥物管理局 (FDA) 同 歐盟 28 國家安全保證 (CE) 認可，確保安全及效果顯著。
CASE主動致電book時間，第一次接聽個陣由於唔方便講電話，兔比表示再打返去book。之後打返去book左時間，同事收線前仲覆述一次，第二日又打黎問返兔比約左幾時，感覺有點混亂，睇黎CASE要改善一下預約安排。
環境整潔舒服，先由beauty advisor Queenie帶領到Relaxing Area填寫問卷。
Relaxing Area空間雖然唔大但提供一定舒適個人空間，座椅一睇就知坐得好舒服，每張椅之間有紗簾相隔感覺自在。另有花茶及咖啡可揀，坐低邊飲邊睇雜誌又幾relax。
去洗手間睇睇，同樣整齊乾淨，有埋沖涼房同化妝間，如果化妝間有埋位坐就好。唯一要彈係個廁格，太狹窄且冇掛勾，個袋想掛起都唔得，道門向外推易撞到人，走廊太窄打開廁格成條走廊就冇位行。
填好問卷Queenie帶兔比去consultation room奉上一杯暖暖花茶，先介紹一下公司，之後問一下皮膚狀況同比較注重既肌膚問題。
由於今次體驗係個人化醫學美肌方案，CASE會根據每位Blogger肌膚問題而提供唔同療程體驗，Queenie建議左兩個保濕同收毛孔療程選擇，兔比揀左收毛孔療程。
毛孔細緻療程原理：
1. 以長脈寬1064nm波長激光，深入真皮層，利用較長時間釋放能量。
2. 皮脂線受激光照射而萎縮，減低其活躍性，令毛孔管道收窄，減少油份分泌，刺激增生膠原蛋白，皮膚膠原組織得以重組，令毛孔緊緻。
Queenie為兔比先做皮膚分析，睇一睇皮膚表層同底層，遂一分析斑、細紋、毛孔等各項肌膚問題。其實有疑問點解唔睇皮膚分析先再建議療程呢？不過，Queenie表示佢建議既兩項兔比都岩做。同平日做任何療程一樣，Queenie先介紹療程同講講注意地方，簽好療程同意書然後就返Relaxing Area等待療程房準備，冇幾耐就由負責療程既治療師Candice帶到療程房。
房間寬闊整齊，不過只有角落一個籃可以放隨身物品無任何儲物櫃，銀包電話等貴重物品只好跟身，如果過程中訓著左d個人物品都唔多放心．．．
疑團出現啦！同其他Blogger大不同，職員只指示可先去洗手間，但無為兔比提供Locker同圍巾等等，無換衫治療師就已經帶我入房（兔比唔熟環境以為入左房會有得換衫=.=），潔面後無做任何修眉針清按摩，不過兔比都無問，反正詳情上無寫既無可能要求吧~
潔面後就開始所揀選療程，期間治療師唔多出聲，並無主動提及療程程序，同埋係問一句答一句．．．開始用激光前治療師為兔比戴上眼罩同貼住眉毛做保護，激光前唔需要搽上任何凍Gel，雖然係激光療程但無任何痛楚或被像筋彈既感覺，只係Feel到微溫同有野係皮膚滾動，治療師會先做一邊臉頰問一問感覺點先繼續其他位置同加度數。由於激光後皮膚會比較乾，療程包括水份mask（全面連眼），療程後三兩日都要敷水份mask。最後搽埋防曬就完成。整個過程都蠻舒服。
療程效果
面上部分地方有D泛紅，明顯既收毛孔唔太覺得，可能做一次效果唔明顯。
整理一下個頭之後，Queenie問一下過程舒唔舒服，然後簽單就可以離開，完全無hardsell，可以安心離開，臨走前仲主動俾一份有關療程單張。
整體而言，今次體驗感覺只屬一般。分店環境特別係Relaxing Area係令人俾好評，不足之係療程安排稍稍混亂，治療師進行療程個時無主動講解程序或者介紹所用既機。另外，Locker到底係自己搵一格定CASE Medical Spa安排，仍然一頭問號．．．敷mask期間睇唔到野真係幾擔心會唔見隨身物品。前線服務態度親切有禮，但略為細心不足。過程舒服但單次效果並太不明顯。要佔市場一個重要席位，除左專業既人才同先進儀器，仲需要從客人角度出發，希望他日如果再有機會到CASE Medical Spa會有更好既體驗。
每一個推及留言都係小妹出文動力啊~ 謝謝支持!
0 留言:
張貼留言