泡泡唔只潔面用。。。打造貼薄底妝同樣OK！

BB cream推出以黎已經成為兔比非假日必用產品，防曬調色一take OK，最重要效果夠自然唔會俾人覺得自己化左妝，返工岩晒。不過最近獲 she.com 邀請試左 shu uemura UV Under Base Mousse UV SPF 30 PA+++，自此成為兔比既新寵，哩款base可單用，有輕度調色作用而且超輕盈，防曬度較大多BB cream高，就算兔比要工作上要出戶外都有足夠保護，值得推介。

不過入正題前要讚一讚朗豪坊專門店既男BA Jeff，態度好親切，講解夠清晰，幫兔比試搽左半面之後會主動問要唔要上返D粉，唔洗主動request，駌鴦面行出去好嚇人吧~

shu uemura UV Under Base Mousse UV SPF 30 PA+++ 防曬泡沫底霜

唔講唔知原來 shu uemura UV Under Base Mousse早於1990年已經面世，shu uemura不斷改進革新，宜家既新配方加強左遮暇能力同水潤感。「Silcoat」平滑科技令泡沫含更多粉末，改善遮蓋度，更有效遮蓋面上瑕疵同毛孔。當中既泡沫穩定劑宜家仲申請緊專利，都咪話唔巴閉。

據講跟一般妝前底霜比較質感輕盈20倍（幾多倍其實無咩概念=.=，總之係好輕盈），有杏色及粉紅2色選擇。

杏色：遮蓋泛紅肌膚，締造自然膚色
粉紅：營造白裡透紅底妝

今次兔比揀左試用粉紅色

另外仲有一包五角棉，配合上底霜會比較貼薄均勻。一般位置用大平面上，較細面用於鼻冀眼周等位置

包裝非常好，剪開口後有拉鍊封口，未用既五角棉都可以繼續好好保存。

用法同上粉底大同小異，不過要記得先搖搖樽身，擠出半個乒乓波分量（要溫柔D免得一次擠太多！起初會比較難掌握分量，用多幾次就上手）用五角棉輕輕往面上推勻，最後再印一印會更加貼面~

第一次用泡沫底霜，感覺特別新鮮^^擠出黎既泡沫好幼細，同潔面用既泡泡好似差唔多。要留意泡沫擠出後要盡快用，耐左會化成水狀~

↑↑↑ 以上相片為素顏同單用base，請各位自行ignore對熊貓眼 ><

泡泡一接觸肌膚就化開，唔洗咩技巧都輕易推勻，無任何油膩黏笠感覺之餘仲好爽身，摸上手肌膚好平滑。用左粉紅色有一點明亮效果，面色睇落好D，毛細變得唔明顯。有少少瑕疵度，取代BB Cream單用唔上粉都絕對OK，當然唔可以期望底霜可以遮晒面上瑕疵咁厲害吧~

持久度同控油不錯，之後上左粉底液T-zone位都無浮粉，keep住半日都無油光，明顯較平日少左出油~本來聞說佢唔夠補濕，不過我乾燥肌用都唔會覺得乾仲幾貼薄。當然上妝前自己都要搽好保濕產品啦！

難得泡沫幼細質感有SPF30 PA+++ UV防禦，有別於一般高防曬度產品既厚重感，作為日常防曬用都唔錯，最怕笠笠既感覺。

缺點係氣味會有D難聞（化學品既氣味），不過唔算濃烈，而且都幾快散所以都唔大問題

Categories: ● 五角棉, ● 底妝, ● 泡沫底霜, ● base, ● shu uemura, 產品試用